Ask Administrasjon AS er eit lite selskap som tilbyr rekneskapstenester og rådgjeving til små bedrifter. Vi treng fleire kloke hovud. Som medlem i Regnskap Norge og Norges Bondelag vil vi sikre god fagleg støtte, slik at kundane får tenester som er best tilpassa deira behov.

Hva vi ser etter

Vi ser etter ein statsautorisert rekneskapsførar som

• har erfaring med årsoppgjer/skattemelding for ENK og AS

• er interessert i kvalitetsarbeid og vil bidra til fagutvikling

• har god systemforståing og brukarerfaring frå fagsystem

• toler travle periodar og er påpasseleg med tidsfristar

• er opptatt av gode relasjonar til kundar og kollegaer

• er sjølvstendig, men også ein god lagspelar

• har god skriftleg og munnleg framstillingsevne

Personar med anna økonomiutdanning og erfaring frå rekneskapsarbeid er velkomne til å søkje. Stillingsinnhaldet vil då bli justert i høve krava i lovverket og få vekt på kvalitets- og fagsystemarbeid, samt administrasjon generelt.

Arbeidsoppgaver

Stillinga vil ha eit særleg ansvar for evaluering, utvikling og oppfølging av selskapets kvalitetssystem, samt oppdragsansvar for delar av kundeporteføljen.

Rekneskapsbransjen er i stadig utvikling og vi treng ein person med fagleg interesse for at tenestene held høg kvalitet, samstundes som vi er i takt med tida. Dette medfører at stillinga har medansvar for å følgje opp alle fagsystem og arbeidsrutinar i selskapet, saman med dagleg leiar.

Vi tilbyr

Vi tilbyr:

• spanande og varierte arbeidsoppgåver

• fagleg påfyll gjennom etterutdanning, kurs og konferansar

• eit godt, lærande arbeidsmiljø

• bra kontorfasilitetar i Norsk Innovasjonssenter

• fleksitidsordning og løn etter avtale

Arbeidsstaden er Volda - i hjartet av Søre Sunnmøre - med fjordar, fjell og eit rikt kultur- og næringsliv.