Føde, barsel og gynekologisk avdeling har ledig 100% fast stilling som jordmor. Oppstart snarast/etter avtale.

Ønskjer du faglege utfordringar og trivast i ein varierande men til tider hektisk kvardag? Då håpar vi du søkjer hos oss.

Her får du🦋

Kvinneklinikken i Helse Førde er ein kombinert føde, barsel og gynekologisk sengepost med rundt 850 fødslar i året. I tillegg til jordmødre jobbar det hjelpepleiarar/ barnepleiarar og sjukepleiarar i avdelingen.

Det er jordmor tilknytta UL-lab, fødepoliklikk, induksjonspoliklinikk, samtalepoliklinikk, barselpoliklinikk og ammepoliklinikk.

Vi tilbyr følgeteneste til dei gravide med lang reiseveg og ved overflytting til Haukeland Universitetssjukehus.

Avdelinga jobbar tett opp mot God Start einingane ved Lærdal sjukehus og Nordfjord sjukehus. Dei tilbyr barselomsorg, svangerskap/barselpoliklikk og følgeteneste.

I september 2024 flytta vi inn i nytt bygg, LIVA ❤️ Her held vi til i 5 etg. med nydeleg utsikt, store flotte fødestover, einerom til alle og kort avstand til nyfødtintensiv. 

Avdelinga har eit sosialt og fint miljø og vi er opptekne av trivsel på jobb.

Førde - din nye by🦋

Førde ligg sentralt til i tidlegare Sogn og Fjordane med tilgang til fantastisk vestlandsnatur. Her er gode moglegheiter for topptur både sommar som vinter, samt kort veg til kysten og båtliv. Ein by med eit rikt kulturtilbud,butikkar,resturantar og arrangementer.

Byen er sentralt plassert mellom Bergen og Ålesund, og Oslo er berre ein kort flytur unna.

Ta gjerne kontakt for spørsmål om stillinga, og kjekt om du vil bli ein del av vårt team!

Arbeidsoppgåver

• Pleie, behandling og oppfølging av mor og barn under svangerskap, fødsel og barseltid.
• Delta i beredskap med følgeteneste til gravide.
• Pleie, behandling og oppfølging av gynekologiske pasientar.
• Tilbodet i avdelingen skal også inkludere nære pårørande/familie.
• Ta del i oppgåver som til ei kvar tid ligg til avdelinga.
• Opplæring og undervisning.
• Vere med å utvikle og forbetre avdelingen sitt arbeid innan pasienten si framtidige helsetjeneste.
• Det er 3-delt turnus.

Kvalifikasjonar

• Norsk autorisasjon som jordmor.
• Må beherske norsk, både munnleg og skriftleg.
  
• Erfaring og kompetanse vil bli vektlagt.
• Erfaring innanfor gynekologi er ønskjeleg,men er ikkje eit krav.

Personlege eigenskapar

• Vi vil gjerne ha ein medarbeidar som er engasjert i faget og motivert for varierte arbeidsoppgåver.
• Vi ser etter deg som ønskjer å utvikle eigen kompetanse, samt avdelinga i si heilhet.
• Det er viktigt å kunne arbeide både sjølvstendig og i team.
• Fagleg utvikling, evne til fleksibilitet og omstilling er eigenskapar som er viktige hos oss.
• Vi er ei inkluderande gruppe som hjelper kvarandre,og det er lav terskel for å stille spørsmål.
• Personlege eigenskapar vil bli vektlagt.
  

Vi tilbyr

• Lønn i samsvar med gjeldande overeinskomst.
• Gode pensjons- og forsikringsordningar.
• Eit  godt arbeidsmiljø med mange trivelege kollegaer.
• Ein spennande, lærerik og utfordrande jobb.
• Tett samarbeid mellom faggruppene.

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Cecili Kvamme Berge, Einingsleiar, (+47) 578 39 588
Kristin Opseth Rygg, Seksjonsleiar/jrodmor, (+47) 578 39 688

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 4918811682
Stillingsprosent: 100%
Fast
Søknadsfrist: 30.03.2025