Nav Bjørnafjorden er regionkontor i region Midthordaland. Vi skal levere eit heilskapeleg og effektivt tenestetilbod med utgangspunkt i behovet til innbyggarane, og i samsvar med måla til kontoret og føringane og rammene som lovverket gir. 

Vi har no ledig 100 % fast stilling som rettleiar økonomisk rådgjeving frå januar 2026. Vi ser etter deg som trivst med å finne gode løysingar i samspel med menneske i krevjande situasjonar. Er du ein person med pågangsmot og engasjement, som ønsker å bidra til å gjere ein forskjell? Trivst du i ein hektisk kvardag med varierte oppgåver? Då kan du vere den vi ser etter!

Arbeidsstad
Bjørnafjorden NAV. Avd. avklaring, velferd og forvaltning. 

Arbeidsoppgåver

• Oppfølging av eigen portefølje
• Rettleie og motivere for at bruker skal bli økonomisk sjølvhjelpen og kome i arbeid og aktivitet
• Kartlegge den enkelte sine ressursar og moglegheiter
• Vurdere bruk av aktuelle tiltak og verkemiddel.
• Samhandling internt og med aktuelle samarbeidsinstansar
• Sakshandsaming etter aktuelt lovverk
• Bidra til fagutvikling i eiga avdeling og i kontoret
• Andre felles oppgåver på kontoret
• Kartlegge økonomisk situasjon og rettleie bruker i privatøkonomi
• Bidra til å finne løysningar på økonomiske utfordringar i samband med budsjett, utleggstrekk, tvangssalg, utenrettslige nedbetalingsordninger med kreditorer, og gjeldsordning

Kvalifikasjonar

• Utdanning på minimum bachelornivå som er relevant for arbeidsoppgåvene i eit NAV-kontor
• Utanlandsk utdanning må vere godkjend av Direktoratet for høyere utdanning og kompetanse (HK-dir): https://hkdir.no/utdanning-fra-utlandet
• Særleg relevant arbeidserfaring kan kompensere for utdanningskravet.
• God digital kompetanse
• Gode norskkunnskapar skriftleg og munnleg.
• Erfaring frå arbeid i Nav eller liknande arbeid
• Ønskeleg med erfaring i saksbehandling av offentlege tenester og ytingar
• Ønskeleg med førarkort klasse B
• Ønskeleg med kjennskap til LEAN som metode.

Vi legg vekt på at du:

• Ser moglegheitar og løysingar
• Møter mennesker med respekt og likeverd, samstundes som du har evne til å avklare forventingar og sette grenser
• Har god evne til å få kontakt med, og motivere menneske i ein vanskeleg livssituasjon
• Kan arbeide sjølvstendig og evner å prioritere i ein travel kvardag
• Deltar aktivt for å skape engasjement og arbeidsglede, og er ein lagspelar som bidrar til eit godt arbeidsmiljø

Personlege eigenskapar vert vektlagt.

Vi tilbyr

• Varierte arbeidsoppgåver i eit tverrfagleg miljø
• Ein triveleg og hektisk arbeidsplass med dyktige medarbeidarar
• Faglege og personlege utfordringar i eit godt og inspirerande arbeidsmiljø
• Fleksibel arbeidstid 
• God pensjonsordning, yrkesskade- og gruppelivsforsikring
• Løn etter gjeldande avtalar etter kommunalt avtaleverk
• Vi arbeidar for å få etablert heiltidskultur i kommunen

Syns du at dette verkar interessant, vil vi gjerne ha ein søknad frå deg!

Bjørnafjorden kommune er ein arbeidsplass som verdset likestilling og mangfald, der alle tilsette forpliktar seg til prinsippet om likeverd og bidreg til å skapa eit inkluderande arbeidsmiljø. Vi ønskjer eit mangfald av søkjarar og oppmodar alle kvalifiserte kandidatar til å søkje, uavhengig av kjønn, alder, funksjonsevne, seksuell orientering, etnisk bakgrunn eller livssyn

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.