100% vikariat som fysioterapeut

Me tilbyr varierte og utfordrande arbeidsoppgåver i eit positivt arbeidsmiljø saman med andre fysioterapeutar og ergoterapeutar, og i tett samarbeid med andre kommunale tenester. 

Ullensvang kommune arbeider for å skape bærekraftige, framtidsretta og heilskaplege tenester med brukaren i fokus. I tillegg til rehabilitering og klinisk verksemd, skal tenesta fokusere på helsefremjande og førebyggjande tiltak. 

Terapeutane i Ullensvang kommune er lokalisert i Odda, Kinsarvik, Lofthus, Utne og  Jondal. Oppmøtestad vil i hovudsak vere i Odda og Jondal. Oppgåver og arbeidsområde innad i kommunen vil kunne variere etter behovet i tenesta. Du vil i hovudsak arbeide med vaksne og eldre brukarar, men du må også kunne yte fysioterapitenester til born.

Stillinga er ledig frå 01.03.25 og fram t.o.m. 31.12.25 med moglegheit for forlenging.

Arbeidsoppgåver 

• Poliklinisk verksemd i eit breitt arbeidsfelt 

• Rehabilitering, både i heim og på institusjon

• Førebyggjande og helsefremjande arbeid til ulike brukargrupper, bl.a. gruppetrening, frisklivstiltak etc.

• Rettleiing og rådgjeving til brukarar, pårørande og andre fagpersonar

• Tverrfagleg samarbeid rundt brukarar, og på systemnivå

• Kartlegge, vurdere og søke om enkle tekniske hjelpemiddel  

• Delta i kvalitets- og fagutvikling i ergo- og fysioterapitenesta, og i andre kommunale tenester

Kvalifikasjonar 

• Offentleg godkjent fysioterapeut med norsk autorisasjon.

• Ynskje om brei og relevant fagleg kompetanse, og klinisk erfaring innan allmenn fysioterapi. 

• Fordel med erfaring innan nevrologi og rehabilitering. 

• Fordel med erfaring og kjennskap til kommunale fysioterapitenester, og samhandling med øvrige kommunale tenester. 

• Gode ferdigheiter i norsk, skriftleg og munnleg.

• God kjennskap til IKT-verktøy og elektronisk samhandling. Physica og Profil vert nytta som fagsystem.

• Førarkort klasse B.

• Politiattest vert kravd før tilsetjing, jmf. Lov om helsepersonell § 20 a.

Personlege eigenskapar

• Gode samarbeids- og kommunikasjonsevner.

• Evne til å samhandle og arbeide tverrfagleg med tenesteytarar i spesialisthelsetenesta og kommunehelsetenesta.  

• Sjølvstendig, fleksibel og strukturert.

• Profesjonell, positiv og engasjert i møte med pasientar, kollegaer og andre samarbeidspartar.  

• Motivert for å driva utviklingsarbeid i tenesta, og ha interesse for framtidsretta tenesteyting. 

• Det er forventa at fysioterapeuten yter kunnskapsbasert fysioterapi og held seg jamleg fagleg oppdatert.

• Personlege eigenskapar vert vektlagt ved tilsetjing. 

Me tilbyr

• Varierte og spanande arbeidsoppgåver. 

• Fleksible arbeidsdagar.

• Flotte kollegaer i eit kjekt fagmiljø.

• Mogelegheit til å utvikle tenesta og nye tilbod. 

• Løn etter hovudtariffavtalen.

• Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår.

Velkomen som søkjar på stillinga! 

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/