Vil du bli ein del av eit kompetansesterkt og engasjert team i Karriere Vestland?
Vi søker deg som brenn for å gjere ein forskjell i menneskes liv, og som vil vera med på å utvikle framtidas karriererettleiing i Vestland fylkeskommune. Karriere Vestland er eit offentleg tilbod om gratis og profesjonell rettleiing, i tråd med nasjonale retningsliner for karriererettleiing.

Kven er vi?
Karriere Vestland tilbyr karriererettleiing til vaksne over 19 år, og til nykomne flyktningar som kvalifiserer til introduksjonsprogram i kommunane i Vestland fylke. Vi er stolte av å være eit kompetansesenter innan karriererettleiing og samarbeider tett med ei rekke aktørar for å skape best moglege tilbod for vestlendingen. Vi har kontor i seks kommunar: Alver, Bergen, Sogndal, Stad, Stord og Sunnfjord. Vi har no to ledige faste stillingar knytt til integreringsarbeidet vårt i Bergen.
Som del av teamet vårt vil du få høve til å bidra direkte til menneskes utvikling og framgang, samtidig som du utviklar din eigen kompetanse i eit stimulerande og innovativt arbeidsmiljø.

Arbeidsoppgåver

Vi ser etter to engasjerte karriererettleiarar som hovudsakleg skal bidra med følgande:

• gi individuell karriererettleiing til vaksne nykomne flyktningar. Tenesta vert levert ved fysisk oppmøte på staden der dei bur eller i våre lokale, men vi tilbyr òg videorettleiing
• gjennomføre gruppemøte for flyktningar med kollektiv vern (hovudsakleg ukrainske flyktningar)
• tilby kompetansestøtte til kommunane i den videre oppfølginga av flyktningane og opplæring av tilsette i kommunane
• tilsette i Karriere Vestland må være førebudde på å bidra i alle oppgåver som ligg til senteret
  

 

Kvalifikasjonar

Du har relevant universitets-/høgskoleutdanning på masternivå. Kandidatar med utdanning på bachelornivå og relevant erfaring kan vera aktuelle for stillinga, ein vil i så fall bli tilsett som spesialkonsulent, og ikkje som rådgjevar.

I tillegg har du:

• erfaring med karriererettleiing av minoritetsspråklege
• god digital kompetanse, og du er bekvem med å jobbe digitalt
• god relasjonskompetanse og evne til å skape tillit raskt

Det er eit pluss om du:

• har kunnskap om utdanningssystemet og arbeidsmarknaden
• er sertifisert i eit karriereverkty, som InFlow24 eller Karriereverktøy
• har førstehands erfaring med integreringsprosessen og det å være ny i Noreg
• oppteke av å gi brukarane profesjonell rettleiing av høg kvalitet
  
• snakker ukrainsk eller arabisk
• har førerkort klasse B

Personlege eigenskapar

Vi ser etter deg som:

• er positiv og løysningsorientert og evner å sjå potensiale hos andre
• jobber effektivt, strukturert og sjølvstendig
• har sterke kommunikasjons- og samarbeidsevner
• er nysgjerrig og omgjengeleg
• har høgt etisk medvit og evne til å motivere andre
• trivast i eit dynamisk miljø og handterer uforutsette hendingar med fleksibilitet
  

   

Vi tilbyr

• eit inkluderende, engasjert og fagleg sterkt arbeidsmiljø med ein god delingskultur
• ein god introduksjon, der du blir satt skikkeleg inn i oppgåvene dine
• moglegheit for kompetanseheving og faglege utfordringar
• feksibel arbeidstid for ein betre balanse i kvardagen
• løn etter kvalifikasjoner
• gode forsikrings- og pensjonsordningar

Kontaktinformasjon

Evelyn Jordahl, Leiar, +47 91843326, evelyn.jordahl@vlfk.no
Silje Rene Lokøen, Fagkoordinator, 99005081, silje.rene.lokoen@vlfk.no

Arbeidsstad

Vestre Strømkaien 13
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 4972635204
Stillingsprosent: 100%
Fast
Søknadsfrist: 10.06.2025