Er du oppteken av korleis me utviklar samfunnet rundt oss? Me ser etter ein engasjert saksbehandlar innan arealplan som vil bidra til berekraftige og gode løysingar for framtida.

Bømlo kommune har ledig 100% fast stilling ved eininga Arealbruk. Eininga er ein del av seksjon samfunnsutvikling, og er delt i fagområda arealplan, byggesak og deling, samt kart og oppmåling. Det er per i dag ti tilsette ved Arealbruk som jobbar tett saman på tvers av dei ulike fagområda. Tre av desse arbeidar på arealplan. Me held til i rådhuset sentralt på Bømlo. 

I denne stillinga får du delta i små og store prosjekt og samhandle med frivillige organisasjonar, innbyggjarar så vel som utbyggjarar. 

Me ser etter deg som engasjert og interessert i å vera med å utvikla kommunen vår, og som vert motivert av å samarbeida tverrfagleg. 

Tilsetjing etter nærare avtale.

Arbeidsoppgåver

• Saksbehandling av kommunale- og private reguleringsplanar, inkludert saksførebuing til politisk behandling.
• Delta i utarbeiding av kommuneplanen sin arealdel.
• Utarbeiding, oppfølging og koordinering av kommunale reguleringsplanar.
• Oppdatering av kommunale plandatabasar.
• Rettleiing og oppfølging av utbyggjarar og innbyggjarar.
  
• Arbeidsoppgåvene vil elles vera avhengig av dei behov som avdelinga har til ei kvar tid og av kvalifikasjonane til den som blir tilsett.

Endringar i arbeidsområdet må kunne påreknast. 

Kvalifikasjonar

• Utdanning på høgskule- eller universitetsnivå som arealplanleggjar, arkitekt, landskapsarkitekt, ingeniør eller anna relevant høgare utdanning. Lang og relevant erfaring kan kompensera for manglande høgare utdanning.
• Det er ein fordel med kunnskap eller erfaring frå offentleg forvaltning, men nyutdanna kan og søkje.  
• God kunnskap om plan- og bygningslova er ønskjeleg. 
• Digital kompetanse og kjennskap til relevante programvare innenfor arealplanlegging vil vera ein fordel. 
• God skriftleg og munnleg framstillingsevne på norsk.

Personlege eigenskapar

• Du er sjølvstendig, strukturert og lett å samarbeide med.
• Du har evne til å kommunisere og uttrykkje deg klart og forstå andre, både munnleg og skriftleg.
• Du er god til å planleggje og prioritere arbeidsoppgåver, og kan handtere tidsfristar.
• Du tek initiativ, ønskjer å hjelpe og er trygg i møte med andre. 
• Du set deg raskt inn i nye problemstillingar, er løysingsorientert og bidreg til framdrift og kvalitet i prosessane du deltek i.
• Du har eit ekte engasjement for berekraftig samfunnsutvikling og er motivert til å jobbe i eit fagmiljø prega av samarbeid og utvikling.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Varierte og spennande arbeidsoppgåver i ein flott kommune.
• Faglege og personlege utfordringar i eit godt og inspirerande arbeidsmiljø.
• Moglegheit for deltaking på kurs og faglege samlingar.
• Trivelege kollega, kantine og eige kontor.
• Gode offentlege pensjons- og forsikringsordningar.
• Fleksibel arbeidstid
• Løn og arbeidsvilkår i samsvar med gjeldande lov og avtaleverk.
• Stilling i ei inkluderande arbeidslivsverksemd (IA-verksemd).
• Mogleg medlemskap med tilsettegoder i velferdsklubben.

Andre opplysingar: 

• Administrasjonsmålet i kommunen er nynorsk.
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. 
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunne skaffa anna dokumentasjon. Dersom du har spørsmål om stillinga og rekrutteringsprosessen, ta kontakt med avdelingsleiar Lise Notland. 

Kontaktinformasjon

Lise Notland, avdelingsleiar arealbruk, 904 01 859, lil@bomlo.kommune.no
Renate Torkelsen, fagansvarleg arealplan, 908 64 851, renate.torkelsen@bomlo.kommune.no

Nøkkelinformasjon:

Arbeidsgivar: Bømlo kommune

Referansenr.: 4951578187
Stillingsprosent: 100%
Fast
Søknadsfrist: 01.06.2025