UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/M5n6RnScNgA

Førsteamanuensis i medisin ved seksjon for nefrologi, Klinisk institutt 1.

Ved Det medisinske fakultet er det ledig ei fast stilling som førsteamanuensis (100 %) i medisin (nefrologi) ved Klinisk institutt 1.

Vi søkjer ein medarbeidar som saman med fakultetet og dei tilsette ved instituttet vil bidra til framifrå forsking og undervisning ved instituttet. Klinisk institutt 1 har forskingsgrupper som forskar på kliniske problemstillingar. Klinisk institutt 1 tilbyr emne i profesjonsutdanninga i medisin, i tillegg til bachelor- og masterutdanning i ernæring. Tilsette ved instituttet undervis også i patologi ved Institutt for klinisk odontologi. Personen vi søkjer er i ein aktiv fase av karrieren, og har fagleg tyngde innafor eit forskingsfelt som er relevant for instituttet. 

Stillinga vil varte kobla til ei stilling som overlege ved Seksjon for nyresjukdommer på Haukeland Universitetssjukehus.

Arbeidsoppgåver/forskingsområde:

Den som vert tilsett skal leie og initiere forskingsprosjekt, undervise og rettleie studentar og stipendiatar, samt ta på seg administrative oppgåver etter rettleiande tidsmessige rammer. Det vert forventa at den tilsette regelmessig sender søknadar til relevante nasjonale og internasjonale kjelder for forskingsfinansiering. Undervisningsplikta i stillinga er først og fremst knytt til nefrologi, men personen som vert tilsett pliktar å undervise i høve til dei studieprogramma fakultetet/instituttet til ei kvar tid har. Det vert forventa høge ambisjonar og god kvalitet med omsyn til forsking og undervisning, samt aktiv deltaking i instituttet og fakultetet sitt strategiarbeid og faglege aktivitetar.

Kvalifikasjonar og eigenskapar:

Kvalifiserte søkjarar er spesialist i nefrologi, har norsk doktorgrad i relevant fagfelt, og fyller krav til utdanningsfagleg kompetanse. Den ideelle kandidaten publiserer på høgt internasjonalt nivå, kan vise til søknader og tilslag frå nasjonale og internasjonale finansieringskjelder for forsking og utdanningsarbeid, og har etablert eiga forskingsgruppe.Resultat oppnådd dei siste 5-7 år vil bli særleg vektlagt ved bedømminga. Den ideelle kandidaten har også erfaring med undervisning på bachelor- og masternivå eller i profesjonsutdanningar, og frå rettleiing av ph.d.-kandidatar. Erfaring frå ulike nasjonale og internasjonale forskingsinstitusjonar, og evne til å etablere internasjonale nettverk vil telje positivt ved bedømminga, og det same gjer også erfaring av og interesse for innovasjon. 

• Erfaring med kliniske studiar (inkludert RCT) og register forsking (inkludert epidemiologi) er eit krav
• Translasjonell forsking i nefrologi, særleg avanserte vevsmetodar (f.eks. omics-relaterte teknikkar med tilsvarande bioinformatikken) er eit krav.
• Erfaring i undervisning i nefrologi, inkludert førebuing av eksamen, samt planlegging og strukturering av undervisning i nefrologi på medisinstudiet er eit krav.
• Leiarerfaring (inkl. tilsvarande administrativt arbeid), f.eks. leiing av ein forskargruppe, rettleiar for unge forskare (PhD kandidatar, forskarlinje studentar) er eit krav. 
• Organisasjon av vitskapelege møter og erfaring frå styreverv er ein føremon.
• Godt etablert nettverk nasjonalt i Norge og internasjonalt i fagfeltet er ein føremon.

Personlege eigenskapar blir vektlagd ved vurderinga.

Undervisningsfagleg kompetanse er eit krav for stillinga, sjå retningsliner for oppretting av ei pedagogisk mappe på Eining for læring.  Førsteamanuensis vil få tilbod om opplæring dersom kravet ikkje er oppfylt før tilsetjing. 

Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 innan tre år etter tilsetjinga. UiB tilbyr norskopplæring og vil legge til rette for at språkkravet kan oppfyllast.

 

Vi tilbyr:

• Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt. 
• Faglege utfordringar med gode høve for personleg utvikling og kompetanseutvikling.
• Løn er for tida kr 760 000 - 770 000 (kode 1011), eller løn for spesialist kr 770 000 – 805 000. Løn er brutto pr. år for ei fulltidsstilling i lønsregulativet til staten ved tilsetjing. For særleg kvalifisert søkjar kan det verte aktuelt å vurdere høgare løn.
• Medlemsskap i Statens pensjonskasse.
• Gode velferdsordningar.

Søknaden skal innehalde:

• Søknadsbrev som fortel kvifor du søkjer stillinga.
• Utfyllande CV samt relevante vitnemål og attestar.
• Fullstendig publikasjonsliste.
• Pedagogisk mappe, sjå Eining for læring.
• Ei liste over vitskaplege arbeid du vil det skal takast omsyn til ved vurderinga (høgst 10). For kvart arbeid skal det følgje med eit kort samandrag som omtalar dei viktigaste funna i arbeidet.
• Dei 10 vitskaplege arbeida frå punktet over i pdf-format. 
• Plan for eiga forsking dei neste fem åra (maks 5 A4-sider).
• Namn og kontaktinformasjon til minst to referansar.

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden. 

Generell informasjon:

Utfyllande opplysningar om stillinga får ein ved å kontakte Instituttleiar / Professor i Nevrologi Christian Alexander Vedeler e-post: Christian.Vedeler@uib.no.

For HR-relaterte spørsmål ta kontakt med rådgjevar Therese Myhre Odfjell e-post: Therese.Odfjell@uib.no.

 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

 

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.