Har du lyst på ein jobb å stortrivast i?
Fagskulen Vestland, studiestad Førde, er framleis i vekst. Vi har hatt stor auke i tal studentar og tilsette, vi har utvikla nye studium, både lange og korte. Eksempel på dette er solenergi og modulbasert automatiseringlinje.
Vi er samlokaliserte med Campus Verftet i Skaparhuset sine nye, fine lokale ved sjøen.
No treng vi fleire tilsette som kan være med å utvikle oss vidare, og tilføre våre studentar meir kompetanse.

 

Arbeidsoppgåver

Vi treng ingeniørar som kan undervise, og være læringsleiarar, for våre lærevillige studentar.
I tillegg er det arbeidsoppgåver knytt til vidareutvikling av våre lab-fasilitetar i Campus Verftet og utvikling av nye studium i samarbeid med næringslivet. Vi er no i gang med å etablere og vidareutvikle ein tverrfagleg lab på Campus Verftet, og vi arbeider med å sertifisere metall- og betonglaben.
Fagskulen Vestland har etablert ein etter- og vidareutdanningsavdeling som er lokalisert ved studiestad Førde. Saman med lærarane våre avdekkar dei kompetansebehov i næringslivet, og utviklar nye studium.
Du kan være med å påvirke den vidare utviklinga av Fagskulen Vestland.

Kvalifikasjonar

Er du sivilingeniør, ingeniør eller fagskuleingeniør, og har fagkompetanse innan automatisering, elektro, solenergi eller maskin? Då er du den rette for oss!

Om du har pedagogisk utdanning er det fint. Viss ikkje, legg vi til rette for at du kan ta det samtidig med at du jobbar her.

Personlege eigenskapar

Du likar tanken på å være lærar innan høgare yrkesfagleg utdanning for ein gjeng vaksne studentar med fagbrev og / eller allsidig praksis.

Du har eit ønske om å formidle kunnskap, og å utvikle deg fagleg saman med dyktige kollegaer og studentar.

Du ser fordelen med prosjektbasert og studentaktiv læring.

Du er glad i faget ditt, har evna til å engasjere deg og samtidig engasjere andre.

Du ønsker å bidra til eit positivt arbeids- og læringsmiljø.

Vi tilbyr

Fagleg utvikling, interessante arbeidsoppgåver, lærevillige studentar, hyggelege og engasjerte kollegaer, gode tverrfaglege diskusjonar og høve til å knytte kontaktar i det lokale næringsliv.

I tillegg får du fordelane med å være tilsett i fylkeskommunen, med avtaleverk, rammevilkår, forsikringar og gode pensjonsordningar.

Kontaktinformasjon

Stig Svendsen Savland, avdelingsleiar, 91693588

Arbeidsstad

Øyrane 12
6800 Førde

Nøkkelinformasjon:

Arbeidsgivar: Vestland fylkeskommune

Referansenr.: 4940675224
Stillingsprosent: 100%
Fast
Startdato: 01.08.2025
Søknadsfrist: 02.04.2025