Bjørgvin distriktpsykiatriske senter (DPS) er ein del av Divisjon psykisk helsevern i Helse Bergen. Bjørgvin DPS er ein moderne og veldreven klinikk som gir psykiatriske spesialisthelsetenester til innbyggjarane i kommunane Alver, Austrheim, Fedje, Gulen, Masfjorden, Modalen og Osterøy, samt bydelane Arna og Åsane i Bergen kommune. Samla har klinikken eit opptaksområde med omtrent 80 000 innbyggjarar over 18 år. Bjørgvin DPS har i 2025 eit budsjett på 164 millionar kroner, og har ca 220 tilsette fordelt på vel 150 årsverk. Klinikken er lokalisert på Tertnes i Åsane og Knarvik i Alver kommune. Døgntilbodet er lokalisert på Tertnes, medan det polikliniske tilbodet går føre seg både i Knarvik og på Tertnes. Klinikken er delt i to fagområde psykose og allmennpsykiatri. I tillegg er Helse Bergen sitt eBehandlingstilbod ein del av Bjørgvin DPS.

Vi søker etter ein engasjert overlege i psykiatri som ønsker å vere ein del av det gode og varierte behandlingstilbodet vi har ved vår allmennpsykiatriske poliklinikk på Tertnes. Poliklinikken ligg sentralt i Åsane, med kort veg til Bergen sentrum. Dette er ein stor og velfungerande poliklinikk, med eit godt arbeidsmiljø som i tillegg til eit av dei lengstlevande DBT-teama i Noreg har to allmennteam, eit stort Angst- og depresjonsteam, 4-dagars behandling for panikkliding og sosial angst, Team i eksponerande traumeterapi, Team for spiseforstyrringar, ROP-team, Familieteam, Søvnteam og Akutt ambulant team. Vi har og ei spennande gruppeavdeling med ulike samtalegrupper i tillegg til uttrykksterapi, psykomotorisk fysioterapi, ernæringskonsulent og musikkterapi. Vi har og saman med Knarvik allmennpoliklinikk dei seinare åra bygd opp eit velfungerande MBT-Team. Vi legg opp til stor grad av samarbeid på tvers av yrkesgrupper og har god erfaring med auka grad av oppgåvefordeling i pasientbehandlinga.

Du vil bli ein del av eit stort og solid fagmiljø på Bjørgvin, med ein stor andel svært erfarne og engasjerte høgskuleutdanna i tillegg til 12 andre overlegar, og meir enn 25 psykologspesialistar. Er du ein engasjert overlege som har lyst å jobbe i eit godt miljø, både fagleg og sosialt så vil vi gjerne høyre frå deg. 

Arbeidsoppgåver

• Utgreing og behandling av tilviste pasientar innanfor eit breitt spekter av ulike psykiske lidingar
• Deltaking i tverrfaglege behandlingsteam
• Det er mogleg å kombinere stillinga mellom dei ulike spesialteama i poliklinikken og å drive gruppeterapi

Kvalifikasjonar

• Norsk autorisasjon 
• Meistre norsk både munnleg og skriftleg

Personlege eigenskapar

• Har evne til å arbeide sjølvstendig
• Har gode samarbeidsevner
• Fagleg engasjert og nysgjerrig
• Bidrar positivt i arbeidsmiljøet
• Er ein god teamarbeidar og trivast med tverrfagleg arbeid

Vi tilbyr

• Eit godt og engasjerande arbeidsmiljø med fagleg engasjerte, dyktige og kjekke kollegaer
  
• Fagleg oppdatering/utvikling for å sikre spisskompetanse innan ulike delar av allmennfeltet
• eit nytenkjande og utviklande fagmiljø
• Lønn i henhald til gjeldande avtalar

Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.         
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.

Kontaktinformasjon

Anneli Eimhjellen, Overlege/psykiater, +47 55957000, anneli.eimhjellen@helse-bergen.no
Hallbjørg Hage, Psykologspesialist, 99271899, hallbjorg.hage@helse-bergen.no
Fredrik Hiis Bergh, Klinikkdirektør, 55 95 71 10, fredrik.hiis.bergh@helse-bergen.no

Arbeidsstad

Tertnesveien 37
5113 Tertnes

Nøkkelinformasjon:

Arbeidsgivar: Helse Bergen HF

Referansenr.: 4919380846
Stillingsprosent: 100%
Fast
Søknadsfrist: 28.07.2025