Det skjer mykje hos Utlendingsdirektoratet! Vi er mellom anna i gang med eit av Noregs største IT-utviklingsprosjekt, og vi har ein ny verksemdsstrategi der risikostyring er viktig. Vi ønsker å styre ut frå risiko og analyser, slik at vi får kostnadseffektive tenester.
Eininga for styring og internkontroll (med åtte medarbeidarar), har no ei ledig stilling med ansvar for internkontroll og risiko. Eininga har ansvaret for verksemdstyringa i UDI, og er ein del av tenesteområdet Styring og regelverk. Tenesteområdet har rundt 90 medarbeidarar fordelt på seks einingar.

Seniorrådgivar internkontroll og risikostyring

Vi søkjer deg som vil løfte arbeidet med risiko og internkontroll og ønsker å vere med på å utvikle UDI vidare. Du vil i stillinga ha ansvaret for rammeverket for internkontroll og risikostyring, men også bidra operativt med korleis risikovurderingar kan brukast for å få effektive og forbedra tenester. I arbeidet får du høve til å samarbeide med alle tenesteområda i verksemda, og vi kan love deg faglege utfordringar i ein organisasjon i utvikling. Den rette kandidaten har solid fagleg tyngd innanfor internkontroll og risikostyring og kan å kommunisere på ein tydeleg og truverdig måte, både mot leiinga og i verksemda elles. Du forstår heilskapen i styringssystema, og korleis risikostyring og internkontroll heng saman med andre prosessar for verksemdstyring.

Arbeidsoppgaver

• Vidareutvikle UDIs system og metode for heilskapleg internkontroll og risikostyring.
  
• Gjennomføre intern rådgiving, rettleiing og opplæring i gjeldande lover, reglar og prosedyrar.
  
• Oppfølging og kontroll av etterleving
  
• Legge til rette for workshops, samanstilling av risikoanalysar og sikre påliteleg rapportering både internt og til departementet
  
• Halde interne retningslinjer og prosedyrar på området oppdaterte.
• Bidra inn i arbeidet med helheitleg risikostyring og oppfølging av tiltak i operasjonell drift og styring
  

Funksjonen er i kontinuerleg utvikling, og andre oppgåver kan bli lagt til stillinga. Ut frå kompetansen til den som blir tilsett, kan det også vere aktuelt med andre oppgåver innanfor feltet til tenesteområdet.

Kvalifikasjoner

• Du må ha relevant utdanning på masternivå. Særleg relevant erfaring og utdanning kan kompensere for manglande utdanning på masternivå.
  
• Du må ha brei praktisk erfaring innanfor områda verksemdsstyring, risikovurderingar og internkontroll.
  
• Du må ha god kjennskap til regelverk, standardar og beste praksis innan internkontroll og risikostyring.
  
• Du må ha gode kommunikasjonsevner både munnleg og skriftleg på norsk.
  
• Du er god på Excel og har god digital forståing
  
• Det er ønskeleg med  erfaring frå rettleiing og opplæring.
  
• Det er ønskeleg at du har relevant erfaring frå statleg verksemd, inkludert økonomiregelverket i staten.
  
• Det er ønskeleg at du har relevant sertifisering, for eksempel som statsautorisert revisor eller diplomert internrevisor

Personlige egenskaper

• Du har ei heilskapleg tilnærming og er analytisk.
  
• Du har høg fagleg integritet og evne til å bygge relasjonar på tvers av organisasjonen
  
• Du har gode samarbeidsevner, er proaktiv og kan vere tydeleg.
  
• Du er initiativrik, ein tilretteleggjar og har høg gjennomføringsevne.
  
• Du er effektiv, strukturert og løysingsorientert.
  
• Du trivst med å jobbe i team, men kan også jobbe sjølvstendig.

At du er personleg eigna og har gode faglege kvalifikasjonar vil bli særleg vektlagt.

Vi tilbyr

Derfor bør du velje oss 
Bli med på å forme arbeidet med god styring og kontroll i ei verksemd med eit av Noregs viktigaste samfunnsoppdrag. Vi har høg fagleg kompetanse, stort engasjement og dyktige medarbeidarar. Verdshendingar påverkar jobben vår direkte, og vi er vane med å justere oss raskt etter svingingane i migrasjonen til landet. Profesjonalitet, menneskeverd og heilskap er verdiane våre. Dei er viktige for oss, og skal påverke korleis vi løyser oppgåvene våre kvar dag.
Vi held til i nye og flotte lokale på Helsfyr, med ein kjempegod kantine. Vi tilbyr gode ordningar som sommartid, trening i arbeidstida, fleksitid, fleksibel arbeidsplass, og ikkje minst landets aller beste kollegaer.

Litt praktisk info 
Stillinga lønnast som seniorrådgjevar (kode 1364) i lønnsspennet kr 700.000 - kr 900.000 brutto pr år. For spesielt kvalifiserte søkjarar kan høgare lønn vurderast. Eit lønnstrekk på to prosent gir deg gode ordningar for pensjon, lån og forsikringar i Statens pensjonskasse.

Vi meiner at inkludering og mangfald er ei styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Vi vil leggje til rette for medarbeidarar som har behov for det. Aktuell tilrettelegging kan for eksempel vere tekniske hjelpemiddel, tilpassing av møblar eller endring av rutinar, arbeidsoppgåver og arbeidstid. Har du hull i CV-en din, funksjonsnedsetting, eller etnisk bakgrunn vil vi oppfordre deg til å krysse av for dette i Webcruiter når du søkjer stilling hos oss.

Du søkjer på stillinga via søknadssystemet WebCruiter. Du må fylle ut WebCruiters CV og søknadsfelt sjølv om du vel å leggje ved søknad/CV i eige format i tillegg. Du må også leggje ved vitnemål, som kan lastast ned frå Vitnemålsportalen (vitnemalsportalen.no). Dersom du har utdanning frå utlandet, må den vere godkjent av NOKUT eller Direktoratet for høgare utdanning og kompetanse (hkdir.no).

I tråd med offentleglova kan du bli offentleggjort sjølv om du har bedt om ikkje å bli oppført på søkjarlista. I så fall blir du varsla.

Kontaktinformasjon

Nøkkelinformasjon: