Tolletaten søkjer etter ein programleiar for framtidas tollbehandling
Tolletaten har ei viktig rolle som samfunnsbeskyttar og skal sikre at lover og reglar for grensekryssande vareførsel blir etterlevde. Slik bidreg vi til å gjere Noreg til eit berekraftig, trygt og rettferdig land for både innbyggjarane og næringslivet, eit land som er godt tilrettelagt for internasjonal handelsverksemd.
 
Som statens representant der varer kryssar grensa, støttar Tolletaten ei rekkje samarbeidande myndigheiter. 
 
Omfanget av varer som kryssar grensa, er stort, og volumet har auka i mange år. Tolletaten er avhengig av å digitalisere prosessar for å handtere volumet og sikre harmonisering med EU-regelverket. Det er eit mål å etablere ein mest mogleg effektiv og saumlaus vareførselsprosess som bidreg til at lover og reglar for grensekryssande vareførsel blir etterlevde. Det neste steget i Tolletatens digitaliseringsreise er satsinga «Framtidas tollbehandling». Satsinga skal gjennomførast i eit program som vil vare i fleire år.
 
Til denne satsinga søkjer vi etter ein programleiar – ei svært sentral rolle med tydeleg definert ansvar og spennande arbeidsoppgåver i ein organisasjon i endring.
 
Sentrale arbeidsområde:
Arbeidskvardagen din vil i stor grad vere prega av samhandling, både internt og eksternt. Du vil representere etaten, og det krev høg grad av profesjonalitet og integritet. Du må kunne arbeide målretta og systematisk, og du må ha erfaring frå å leie større prosjekt eller program, helst i offentleg sektor.
 
Programleiaren skal leggje til rette for etatsleiinga si strategiske styring av programmet og tilhøyrande prosjekt og slik sikre at desse prosjekta realiserer strategiane til etaten best mogleg. Du skal mellom anna:
 

• samarbeide med programeigar om den daglege oppfølginga og koordineringa av programmet og leveransane i programmet
• leie og følgje opp programmet med tilhøyrande prosjekt, inkludert å sørgje for vidareutvikling av styringsdokumentasjon og rapportering til programeigaren, etatsleiinga, tolldirektøren og Finansdepartementet
• sørgje for god intern og ekstern kommunikasjon om aktivitetane i og konsekvensane av programmet
• forvalte eit heilskapleg sett med målbiletebeskrivingar som konkretiserer dei strategiske ambisjonane, og forankre desse i styringsgruppa til programmet
• følgje med på at programmet prioriterer slik at gevinstar kan realiserast, og følgje opp indikatorar og gevinstar gjennom programperioden
• identifisere og følgje opp usikkerheit og handtere og følgje opp risikoar
• sikre framdrift gjennom tydelege og tidsrette avklaringar

 
Kvalifikasjonskrav:

• fullført relevant mastergrad. Bachelorgrad samt svært god dokumentert realkompetanse kan erstatte kravet om mastergrad
• dokumenterte resultat og dokumentert erfaring frå prosjektleiing og/eller programstyring av store digitaliseringsprosjekt/ program, helst innanfor offentleg sektor
• solid erfaring med statens prosjektmodell eller annan styringsmetodikk for store offentlege IT-prosjekt, herunder gevinstplanlegging og realisering
• god metodekunnskap om planlegging, styring, oppfølging og rapportering av store digitaliseringsprosjekt/ program, inkludert framdriftsmåling, økonomistyring og systemutviklingsmetodikk
• erfaring med smidig systemutviklingsmetodikk
• god erfaring med innføringsprosessar for nye digitale løysingar, samanheng mellom teknologiløysingar, forretningsprosessar og organisasjon
• god skriftleg og munnleg framstillings- og formuleringsevne

 
Dine eigenskapar:

•    nytenkjande og initiativrik og blir motivert av å bidra til å etablere framtidig «beste praksis» innanfor offentleg forvalting
• •    analytisk og har evne til å setje deg raskt inn i nye problemstillingar og til å tenkje heilskapleg
  •    evne til å levere med jamt høg kvalitet innanfor gitte tidsfristar og rammer
  •    god til å samhandle med og leie andre og har svært gode samarbeidseigenskapar
  •    svært god rolleforståing
  •    fleksibel, positiv og viser vilje til å ta på deg nye utfordringar og komplekse oppgåver
  •     evne å identifisere nødvendige steg i ulike utgreiings- og utviklingsprosessar og ikkje minst ta ansvar for å strukturere dei og drive dei framover

 
Vi tilbyr:

•    gode høve til utvikling
• •    eit godt arbeidsmiljø med engasjerte kollegaer
  •    høve til å vere med og optimalisere tollbehandlinga i Noreg
  •    gode pensjons-, forsikrings- og låneordningar i Statens pensjonskasse
  •    fleksibel arbeidstidsordning med høve til å ha heimekontor etter nærmare avtale og bevegelse i arbeidstida
  •    arbeidsstad i Oslo, Helsfyr
  •    lønn som seniorrådgivar, avhengig av bakgrunn og kvalifikasjonar, etter statens lønnsregulativ, kr 1 000 000–1 280 000 (for særleg godt kvalifiserte søkjarar kan høgare lønn vurderast)

 
Nærmare informasjon om stillinga får du ved å kontakte divisjonsdirektør Marta Johanne Gjengedal, telefon 958 11 672, eller programeigar Jan Erik Ressem, telefon 932 48 238.
 
 
Til deg som søker jobb i Tolletaten
Vi nyttar Semac bakgrunnssjekk i samband med våre tilsetjingar.
Du må fylle ut felta «Utdanning» og «Arbeidserfaring» og laste opp relevante vitnemål og eventuelle attestar.
 
I Tolletaten meiner vi at mangfald og inkludering er ei styrke, og vi har nulltoleranse for trakassering og diskriminering. Vi er avhengige av medarbeidarar med ulik bakgrunn, kompetanse og erfaringar for å løyse vårt samfunnsoppdrag. Dersom du har hol i CV-en, funksjonsnedsetting eller innvandrarbakgrunn, oppmodar vi deg til å krysse av for dette då du kan ha rett til positiv særbehandling. Les meir om dette på arbeidsgivarportalen.