Er du ein varm og engasjert person som ønsker å bidra til meistring, glede og gode opplevingar for andre? Familieteamet i Vindafjord kommune søkjer no etter ein støtte-/fritidskontakt for ein gut på 10 år som ønskjer støtte til å delta i sosiale aktivitetar og skape gode kvardagsminner.

Om oppdraget:
Som støtte-/fritidskontakt får du moglegheit til å vera ein trygg og viktig person i livet til eit barn. Du blir med på aktivitetar som turar, gaming, kafébesøk, fiske, kino eller følgje til organiserte fritidsaktivitetar – alt i dialog med familien og tilpassa barnet sine interesser.

• Omfang: 3 timar per veke

• Tidspunkt: Etter avtale med familien

Vi ser etter deg som:

• Er påliteleg, omsorgsfull og trygg i møte med barn

• Har interesse for gaming og gjerne også for dyr (spesielt hund)

• Har førarkort og disponerer eigen bil

• Er over 18 år og kan binde deg til faste, avtale tidspunkt

• Har lyst til å bidra med positiv energi og gode opplevingar

Vi tilbyr:

• Ei meiningsfull og variert rolle der du verkeleg gjer ein forskjell

• Rettleiing og støtte frå Familieteamet

• Lønn og utgiftsdekning i tråd med gjeldande tariff og avtaleverk

Ingen formell utdanning er nødvendig, men politiattest må framleggjast før oppstart.

Ønskjer du å bruke litt av tida di på å bety mykje for ein annan? Då høyrer me gjerne frå deg!

Kontaktinformasjon:
Elin Gravelsæter, Familieteamet
Tlf: 404 31 631
E-post: elin.gravelseter@vindafjord.kommune.no

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.