Til Rehabilitering, helse og omsorg i Stord kommune ligg einingane tildelingskontor, NAV, tenester til heimebuande, legetenester/kommuneoverlege og institusjonstenester. Samla er det om lag 700 tilsette som er tilsett i desse einingane. Fagavdelinga gjev faglege råd og administrativ støtte til Kommunalsjef og einingsleiarane.

Kommunehelsetenesta skal tilpassa seg dei demografiske endringane i samfunnet og står overfor store omstillingar. Fagavdelinga er sentral i utviklinga av kommunen sine helse- og omsorgstenester.

No treng me ein ny rådgjevar i fagavdelinga vår. Stillinga er førebels ei 100% prosjektstilling over to år som kan bli forlenga.

Har du leiarerfaring og stor forståing for kva det vil sei å jobba i ein politisk styrt organisasjon? Er du allsidig og god på munnleg og skriftleg saksframstilling?

Om du i tillegg har god arbeidskapasitet, jobbar systematisk, er omgjengeleg, serviceinnstilt og ein god lagspelar, då kan du vera vår nye rådgjevar.

Arbeidsoppgåver;

• Gje faglege råd og administrativ støtte til kommunalsjef og leiarar i einingane

• Skriftleg og munnleg saksframstilling

• Plan- og utviklingsarbeid

• Aktiv når det gjeld å søkja på ulike stønadsordningar i takt med utviklingsarbeid i sektoren

• Ulike koordinering- og rapporteringsoppgåver for einingane, og følgje opp saker som famnar om fleire einingar

• Organisere møtearenaer, vere referent og tidvis møteleiar

• Samhandling internt og eksternt

• Generell leiarstøtte, sparring/rådgjeving og hjelp til å finna handlingsrom i eit juridisk, fagleg, organisatorisk perspektiv. Samt rettleiing i utøving av leiarskap

• Koordinering og oppfølging når det gjeld tilsyn, revisjonar og klagesaker m.v.

• Fasilitere, presentere og representere kommunen i ulike fora

• Bidragsytar i forbetringsarbeid

• Medverka til fagutvikling på tvers av einingar

• Kontroll- analyse og rapporteringsoppgåver samt driva internt tilsyn.

• Vera oppdatert på nasjonale satsingsområde som er aktuelle for våre tenester, herunder å følgje opp nye lover og retningsliner.

• Arbeidsoppgåvene vil vera dynamiske og nye oppgåver kan bli lagt til, på sikt kan det også bli aktuelt med leiaroppgåver.

Kvalifikasjonar:

• Helse/sosialfagleg utdanning på minst bachelor nivå, eventuelt formell juridisk kompetanse som inkluderer relevant erfaring.

• Det er ynskjeleg med erfaring frå kommunehelsetenesta

• Det er ynskjeleg med leiarerfaring og leiarutdanning

• God kjennskap til aktuelle lovverk

• Sterk munnleg og skriftleg framstillingsevne

• Kunnskap om økonomistyring

• Høg digital kompetanse

Er dette noko for deg?

Vil du vera med på laget vårt?

Då gler me oss til å høyra frå nettopp deg.

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentlig tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

Nærare opplysninga får ein ved å venda seg til Kommunalsjef Anne Karin Fossdal,