UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/M5n6RnScNgA

Universitetslektor II i norsk som andrespråk

Velkomen som søkjer til ei 20 % åremålsstilling (ekstraerverv – «bistilling») som universitetslektor II i norsk som andrespråk ved Institutt for lingvistiske, litterære og estetiske studium. Åremålsperioden for stillinga er to år frå tilsetting. Ønskja oppstartsdato er 1. september 2025. 

Eit krav for tilsetjing i bistilling er at ein har ei hovudstilling utanfor Universitetet i Bergen.

Om institutt for lingvistiske, litterære og estetiske studium

Instituttet har kring 80 vitskapleg tilsette, 17 administrativt tilsette, kring 50 ph.d.-kandidatar og postdoktorar. Vi tilbyr studieprogram i nordisk språk og litteratur, klassisk filologi, allmenn litteraturvitskap, digital kultur, lingvistikk, norsk som andrespråk, norrøn filologi, kunsthistorie, teatervitskap og norskkurs for utanlandske studentar og tilsette ved Universitetet i Bergen. Instituttet er óg stolt vertskap for to senter, Senter for digitale forteljingar og Senter for norsk fagspråk, og for tre av dei viktigaste ordbøkene i Noreg. 

For tida arbeider 3 tilsette innanfor norsk som andrespråk i tillegg til to stipendiatar. 

Arbeidsoppgåver:

• Delta i utvikling av ei kursrekke retta mot lærarar i vidaregåande opplæring som underviser elevar med rett til særskilt språkopplæring. Dette utviklingsarbeidet skal skje i 2025-2026 og vil ta form som ein pilot. Den som blir tilsett skal delta i gjennomføringa av dette pilotprosjektet. 
• Undervisning, rettleiing og sensurarbeid på årsstudiet og bachelorprogrammet i norsk som andrespråk og på det nettbaserte vidareutdanningstilbodet PRISME. 
• Administrative oppgåver knytt til undervisning. 
• Ta del i den faglege utviklinga ved instituttet. 

Undervisningsspråket er norsk. 

Kvalifikasjonar og personlege eigenskapar:

• Norsk mastergrad eller tilsvarande utanlandsk grad i norsk som andrespråk eller nordisk språkvitskap. 
• Erfaring med utvikling av etter- og vidareutdanningstilbod i norsk som andrespråk.
• Erfaring med digital undervisning og rettleiing på etter- og vidareutdanningskurs i norsk som andrespråk.
• Relevant erfaring med undervisning og rettleiing på universitets- og høgskulenivå.
• Erfaring med å utvikla etter- og vidareutdanningskurs i norsk som andrespråk retta mot lærarar i vidaregåande opplæring er ein føremon.
• Gode samarbeidsevner og evne til å bidra til eit positivt arbeidsmiljø.

Personlege eigenskapar blir vektlagd i vurderinga.

Det er forventa at den tilsette hovudsakleg utfører arbeidet sitt på campus ved Universitetet i Bergen og rettar seg etter dei retningslinene som gjeld for stillinga.

Vi tilbyr:

• Brutto årsløn på kr 625 500,- til 665 500,- i full stilling (kode 1009). Videre lønsopprykk skjer etter ansiennitet i stillinga. For særleg kvalifiserte søkjarar kan det bli aktuelt å vurdere høgare løn. 
• Eit dynamisk og stimularende arbeidsmiljø.
• Gode mogelegheiter for fagleg utvikling og nettverksbygging.
• Medlemsskap i Statens pensjonskasse. 
• Gode velferdsordningar.

Følg denne lenka for meir informasjon om tilsetjingsprosessen.

Slik søkjer du stillinga:

Søknaden skal sendast elektronisk og innan fristen via lenkja «SØK STILLINGA» på denne sida. Søkjaren må nytte det elektroniske CV-skjemaet. Søknaden skal innehalde:

• Søknadsbrev.
• CV.
• Vitnemål frå universitet/høgskule og attestar (skanna versjon av originale eller attesterte kopiar).
• Dokumentasjon på pedagogiske kvalifikasjonar (utdanning, undervisningspraksis, utviklingsarbeid, mottekne prisar eller anna pedagogisk erfaring), undervisningsopplegg og/eller evalueringar.
• Informasjon om og dokumentasjon av administrativ røynsle og anna tidlegare verksemd.
• Liste over eventuelle vitskaplege publikasjonar, med lenker til fulltekst.
• Namn og kontaktinformasjon på tre referansepersonar. Ein av desse bør vera noverande eller tidlegare overordna.

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge innan søknadsfristen. Vedlegga kan vere i Word- eller PDF-format.

Aktuelle kandidatar vil bli inviterte til intervju og eventuelt prøveforelesing.

Vi gjer oppmerksam på at søknadene vert vurderte ut frå den informasjonen som er tilgjengeleg i Jobbnorge når søknadsfristen går ut. Søkjaren har sjølv ansvaret for å sjå til at all informasjon er lasta opp før fristen.

Generell informasjon:

Utfyllande opplysningar om stillinga kan ein få ved å vende seg til professor Ann-Kristin Helland Gujord, per e-post ann-kristin.gujord@uib.no 

Spørsmål til den elektroniske søkeprosessen kan rettast til Det humanistiske fakultet på e-post: fakadm@hf.uib.no. 

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. 

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering 

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.