UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Universitetslektor

Ved Det medisinske fakultet, Universitetet i Bergen, er det ledig ei åremålsstilling som universitetslektor (20 % ekstraerverv «bistilling») i medisin (arbeidsmedisin) ved Institutt for global helse og samfunnsmedisin, fagområdet for Samfunnsmedisin, arbeids- og miljømedisin og helseledelse (SAMLET). Stillinga er for inntil tre (3) år frå våren/hausten 2025 etter nærare avtale. Bistillinga er knytt til fast relevant hovudstilling som arbeidsmedisinar (minimum 50 %) ved relevant eining. Arbeidsstad er Stavanger.

Vi søkjer etter nye kollegaer som saman med tilsette ved institutta vil bidra til framifrå undervisning for medisinstudentane i Stavanger i pilotprosjektet Vestlandslegen. Vestlandslegen er UiB sin nye studieplan for medisinstudiet og det er ein pilot i gang med campus i Stavanger for årene 4-6. Utfyllande informasjon om Vestlandslegen er å finne på https://www.uib.no/vestlandslegen.

Arbeidsoppgåver:

Den som vert tilsett skal undervise og rettleie medisinstudentar, samt ta på seg administrative oppgåver etter rettleiande tidsmessige rammer. 

Kvalifikasjonar og eigenskapar:

• søkjar må vere lege (cand.med) og inneha spesialitet i, eller vere under utdanning til arbeidsmedisin.
• det er eit ønskje at søkjar har brei og relevant klinisk erfaring, arbeidsmedisinsk erfaring vektleggast, samt stort engasjement og interesse for undervisning  
• det er eit ønskje at søkjar har undervisnings- og administrativ erfaring samt 
• erfaring med populærvitskapleg formidling
• det vert lagt vekt på dokumentert vilje og evne til samarbeid

Personlege eigenskapar vert vektlagde ved vurderinga.

Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 innan tre år etter tilsetjinga. UiB tilbyr norskopplæring og vil legge til rette for at språkkravet kan oppfyllast.  

Vi tilbyr:

• eit godt og internasjonalt arbeidsmiljø og spennande arbeidsoppgåver i eit fakultet med fagmiljø som hevdar seg godt nasjonalt og internasjonalt
• faglege utfordringar med gode høve for personleg utvikling og kompetanseutvikling
• løn er for tida kr 615 000 – 680 000 (kode 1009) brutto pr. år for ei fulltidsstilling. For særleg kvalifisert søkjar kan det verte
• aktuelt å vurdere høgare løn
• god pensjonsordning i Statens pensjonskasse
• gode velferdsordningar

Søknaden skal innehalde:

• ei kort utgreiing om søkjaren sin motivasjon for å søkje stillinga
• karakterutskrifter (all høgare utdanning) og relevante attestar
• dokumentasjon på utdanningsfagleg kompetanse og populærvitskapleg formidling
• to referansar (namn og kontaktinformasjon)
• dersom du driv forsking legg du og ved: fullstendig publikasjonsliste og vitskaplege arbeid (maks 10) i pdf format

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden.

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga får ein ved å kontakte:

• Fagområdeleiar SAMLET: Ole Jacob T. Møllerløkken (ole.mollerlokken@uib.no) 
• Undervisningsgruppeleiar Samfunnsmedisin: Liv G. Kvalvik (liv.kvalvik@uib.no) 
• Samfunnsmedisinar Vestlandslegen Stavanger: May Sissel Vadla (may.vadla@uib.no) 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.  

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.