Time kulturskule skal tilsette songlærar i 20% fast delstilling. Arbeidsinnhald er undervisning av songelevar frå nybegynnarnivå til eldre elevar i vgs.-alder. 
Me søkjer deg som ivrar for kunstfagleg opplæring og som vil vera del av lærarkollegiet i ein attraktiv, framtidsretta og aktiv kulturskule. 
Time kulturskule har i dag 21 tilsette og om lag 740 aktive elevplassar. 

Skulen tilbyr allsidig undervisning innan dei fem fagområda musikk, dans, drama, kunstfag og skapande skriving. Skulekorpsa i kommunen der del av musikkopplæringa. Nokre musikklærarar har del-stilling for kunstnarisk utøving med formidlingtilbod til institusjonar, barnehagar og grunnskule. 
Kulturskulen sin base ligg sentralt og nært Bryne sentrum/Bryne togstasjon. Me har samlokalisering med Bryne skule om undervisningsrom og aula, og hovudvekta av den faste undervisninga skjer her. Det er i tillegg tilbod om noko desentralisert undervisning ute på krinsskulane i kommunen.
Me har nært samarbeid med lokalt kulturliv, grunnskule, barnehage og med kulturskulane i nabokommunane. Det er ei viktig målsetting å vera synlege i lokalsamfunnet og elevane skal læra, utøva og oppleva gjennom dei estetiske faga.

Time kulturskule arbeider etter rammeplan for kulturskulen "Kulturskule for alle" og lokale fagplanar. Undervinsingsplattformen har fokus på "eleven som glødande punkt" og Vurdering for læring. Me har eigen verdiplakat med fokus på "kunstnarisk kompetanse og kreativitet, engasjement, samarbeid, ansvar, trivsel og respekt". 
Kulturskulen i Time har tidlegare hatt nasjonal status som Demonstrasjonskulturskule og arbeider i dag aktivt som eit etablert lokalt ressurssenter for kunst- og kultur, og etter visjonar for "Framtidas kulturskule".   

Arbeidsoppgåver

Den nye songlæraren skal vera del av Time kulturskule sitt faste lærarkollegie og faglege fellesskap. Me ønskjer at du:

- behersker både klassisk tradisjon og populærmusikalsk/jazz/rytmisk genre i undervisningssamanheng
- kan undervise elevar i ulik alder og på ulikt nivå, frå yngre nybegynnarar til vidarekomne ungdommar på fordjupingsnivå
- kan undervise både enkeltvis og/eller i gruppe
- kan akkompagnere eigne elevar som støtte i undervisningssamanheng
- vera fleksibel til å kunne tilby supplerande undervisningsopplegg for vokalensemble og prosjektarbeid
- delta aktivt i kollegasamarbeid i kulturskulen sin vokalseksjon
- delta aktivt i kulturskulen sin personalgruppe
- undervise i samsvar med Rammeplan for kulturskulen - "Kulturskule for alle" og lokale fagplan
- arbeide for kvalitet, mangfald, inkludering og samhandling
- arbeide etter felles nedfelt visjon, målsetting og verdiplakat 

Kvalifikasjonar

Time kulturskule har eit høgt utdanna og dedikert personale. Det er ønskeleg at vår nye songlærar har følgjande kvalifikasjonar:

- Høgskule/universitetsutdanning i musikk med fagområde song/vokal på bachleor- eller masternivå m/integrert- eller tilleggsfag pedagogikk/metodikk/PPU
- God kompetanse som utøvar og musikkformidlar
- Har erfaring frå undervisning i kulturskule eller anna relevant undervisningspraksis
- Beherskar undervisning på ulike nivå, frå nybegynnarar til vidarekomne elevar og i tillegg gruppe/kor/ensemble
- God munnleg og skriftleg norskkompetanse minimum B1-nivå, eller eventuelt vilje til å ta norskopplæring
- Utdanning frå utlandet må vera HK-godkjend, Direktoratet for høgare utdanning (eller tidlegare NOKUT godkjenning) 

Personlege eigenskapar

Time kulturskule søkjer deg: 

• som har gode kunstnariske og pedagogiske ferdigheiter
• som kan legga til rette for god læring og meistring
• som trivst i lag med barn og ungdom
• som med fagleg dyktigheit har evne til å sjå den enkelte elev individuelt og i gruppesamanheng
• som er samhandlande og samtidig tek ansvar for sjølvstendige arbeidsoppgåver
  
• som har gode samarbeidsevner
• som kan bidra positivt i eit kollegialt jobbfellesskap
• som evner å ta initiativ, engasjere deg, koma med innspel og bidra til utvikling
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen
• Det krevst gyldig politiattest, etter opplæringslova § 17-11 jf politiregissterlova §39 fyrste ledd, denne må framleggast før tiltreding
   

Vi tilbyr

 

• eit godt, triveleg og levande arbeidsmiljø
• kollegafellesskap med høgt kvalifiserde lærarar innan ulike kunstnariske fag 
• kollegaer som er opptekne av å finna gode løysingar og å gjera kvarandre gode
• aktivitet med prosjekt, opptredenar og utadretta verksemd for både elevar og lærarar
• variert og allsidig arbeidsinnhald
• lønn etter gjeldande tariff for kulturskulelærarar
• gode pensjonsordningar

Kontaktinformasjon

Guri Årsvoll, Rektor, 47301209, guri.arsvoll@time.kommune.no

Arbeidsstad

Ola Barkveds veg 16
4340 BRYNE

Nøkkelinformasjon:

Arbeidsgivar: Time kommune

Referansenr.: 4973050857
Stillingsprosent: 20%
Fast
Startdato: 01.08.2025
Søknadsfrist: 04.06.2025