Tussa IKT

Tussa IKT AS er eit dotterselskap i Tussakonsernet og har 112 medarbeidarar. Selskapet har kontor i Ørsta, Ålesund, Sykkylven, Åndalsnes og Stryn. 

Tussa IKT har to forretningsområde: IT og kommunikasjon.

Tussa IKT er ein totalleverandør av IT-tenester, og leverer løysingar basert på nettskya Azure og eigne datasentre i Ørsta og Sykkylven. I tillegg er selskapet ISO-sertifisert innanfor miljøleiing og IT-sikkerheit, leverer IT-sikkerheitstenester og har ein profesjonell servicedesk. 

Om stillinga

Vi treng meir kapasitet, og søkjer ein konsulent/rådgjevar til avdelinga informasjonssikkerheit.

Arbeidsoppgåver

• Konsulentarbeid innan IT- og informasjonssikkerheit
• Bidra til utvikling, leveranse og drift av sikkerheitstenester
• Handtere sikkerheitshendingar for Tussa og kundar
• Andre relevante oppgåver

Kvalifikasjonskrav

Vi ser etter ein engasjert og initiativrik kandidat som likar kundekontakt og er flink til å kommunisere. Du må ha erfaring, kompetanse og interesse for tekniske sikringstiltak, og forståing og interesse for ulike fagområde innan sikkerheitsleiing.

Høgare utdanning er ønskjeleg, men ikkje eit krav. Personlege eigenskapar vil verte vektlagt. Vi oppmodar kvinner til å søkje.

Vi kan tilby

• Interessante og utfordrande arbeidsoppgåver i eit selskap med høg aktivitet
• Eit uformelt arbeidsmiljø som legg vekt på personleg utvikling, sjølvstende og trivsel
• Kompetanseutvikling og sertifiseringar
• Gode pensjons- og forsikringsordningar
• Oppmøtestad vil vere ved Tussa sitt kontor i Ørsta, Ålesund, Ulsteinvik, Sykkylven, Stranda, Fosnavåg, Åndalsnes eller Stryn.