Arbeidsstad: Bergen, Oslo eller Kongsvinger
Tolletaten har ei viktig rolle som samfunnsbeskyttar. Samfunnsoppdraget vårt er like enkelt som det er viktig: å sikre at varene som kryssar Noregs grenser til sjøs, på land og i lufta, er trygge og lovlege. Tolletaten er i utvikling og har ein høg endringstakt, særleg innanfor digitalisering.
Vareførselsdivisjonen (VD), som er etablert med hovudkontor i Bergen, skal leggje til rette for korrekt og effektiv inn- og utførsel av varer for både næringslivet og privatpersonar. Divisjonen er i gang med fleire endrings- og utviklingsprosjekt.
Oppfølgingsavdelinga består av sju seksjonar og har nasjonalt fagansvar for å kontrollere den registrerte vareførselen. Målet er å etablere ein heilskapleg bruk av kontrollverkemiddel retta mot næringslivet for å sikre auka etterleving. Det skal skje i samarbeid med andre einingar og samarbeidande myndigheiter ved å bruke verkemiddel som informasjon, førebygging, etterretning, analyse og sanksjonering. 
Seksjonane i Bergen, Oslo og Kongsvinger skal gjennom effektive og målretta kontrollar av den registrerte vareførselen i Tolletatens deklarasjonssystem (TVINN) og ved etterkontrollar bidra til at oppfølgingsavdelinga når dei ønskte måla og resultata. Vi søkjer no etter fem nye medarbeidarar som har relevant erfaring med å kontrollere og rettleie omkring etterleving av regelverk.
 
Sentrale arbeidsområde
Oppgåvene vil vere kontroll i notid og i ettertid, inkludert oppfølging og kontroll av at autorisasjonar og løyve blir etterlevde. I tillegg kontrollerer seksjonane grunnlagsdata og statistiske data, tollavgift, restriksjonar, ulovlege varer og etterleving av regelverk og prosedyrar i den registrerte vareførselen.
 
Vidare vil du i stillinga

• sikre at regelverk og prosedyrar for grensekryssande vareførsel blir følgde, mellom anna gjennom målretta kontroll av TVINN-deklarasjonar, til dømes ved å vurdere og verifisere deklarerte opplysningar mot framlagde dokument 
• ha kontakt med næringslivet og samarbeidande myndigheiter 
• delta i utviklings- og prosjektarbeid 

 
Arbeidsoppgåvene vil variere i tråd med satsingane og prioriteringane som til kvar tid gjeld for seksjonen. Du må rekne med at det blir litt reising. 
 
 
Kvalifikasjonskrav

• du har tollfagleg utdanning frå Tolletatens kompetansesenter eller bachelor i toll, vareførsel og grensekontroll
• du har relevant arbeidserfaring
• det er ein fordel med kjennskap til TVINN/fortollingsprosedyrar
• du har god munnleg og skriftleg formuleringsevne på norsk
• du må kunne levere uttømmande politiattest ved tilbod om tilsetjing

 
Vi legg vekt på kjennskap til og interesse for arbeidsområdet.
 
 
Vi søkjer deg som

• er strukturert og leverer innanfor gitte fristar 
• har gode samarbeidsevner, lyttar og bidreg til godt samarbeid 
• liker å ta initiativ og er løysingsorientert 
• trivst med å handtere fleire oppgåver samtidig 
• er ein positiv bidragsytar til arbeidsmiljøet 

 
Vi legg stor vekt på personlege eigenskapar. 
 
 
Vi tilbyr

• eit godt arbeidsmiljø med engasjerte kollegaer 
• intern opplæring 
• fagleg samarbeid både internt i seksjonen, i avdelinga og i Tolletaten 
• gode pensjons-, forsikrings- og låneordningar i Statens pensjonskasse 
• fleksibel arbeidstidsordning med høve til å bruke ein time i veka til bevegelse i arbeidstida (BiA) 
• høve til å leige feriestadene til Tolletaten
• arbeidsstad i moderne lokale i Bergen (Solheimsviken), i Oslo (Helsfyr) eller på Kongsvinger (presiser gjerne i søknaden kvar du vil jobbe)
• lønn som førstetollinspektør, avhengig av bakgrunn og kvalifikasjonar frå 540 000 til 610 000 kroner

 
Nærmare opplysningar om stillinga får du ved å kontakte seksjonssjef Kenneth Rastad (Bergen) på telefon 928 08 535, seksjonssjef Hilde Nordhaug (Oslo) på telefon 957 61 441 eller seksjonssjef Anne Beate Riegels (Kongsvinger) på telefon 940 13 163.
 
 
 
 
Til deg som søker jobb i Tolletaten
Vi nyttar Semac bakgrunnssjekk i samband med våre tilsetjingar.
Du må fylle ut felta «Utdanning» og «Arbeidserfaring» og laste opp relevante vitnemål og eventuelle attestar.
I Tolletaten meiner vi at mangfald og inkludering er ei styrke, og vi har nulltoleranse for trakassering og diskriminering. Vi er avhengige av medarbeidarar med ulik bakgrunn, kompetanse og erfaringar for å løyse vårt samfunnsoppdrag. Dersom du har hol i CV-en, funksjonsnedsetting eller innvandrarbakgrunn, oppmodar vi deg til å krysse av for dette då du kan ha rett til positiv særbehandling. Les meir om dette på arbeidsgivarportalen.