Til avdeling for byggesak og geodata høyrer oppgåvene med kart og oppmåling og vi har ledig eitt års vikariat.

Vi søkjer høgskuleutdanna ingeniør innan kart, geodata og GIS, gjerne nyutdanna. Særleg kvalifiserte søkjarar med anna utdanning og lang røynsle vil også verta vurderte. Gjennomført matrikkelkurs hos Statens kartverk vil vera ein fordel. Arbeidsoppgåver vil i utgangspunktet vera knytt til gjennomføring av oppmålingsforretningar, men andre relevante arbeidsoppgåver innan kart- og arealforvaltning vil også vera aktuelt.

Hovudarbeidsoppgåver for stillinga

- Sakshandsaming etter matrikkellova, seksjoneringslova, tinglysingslova, plan- og bygningslova, med meir

- Sakshandsaming av delingssaker, arealoverføringar mm

- Oppmålingsforretningar etter matrikkellova og føring i matrikkelen

- Ajourhald av kartbasar

- Rettleiing til innbyggarar og firma

Våre forventningar til søkjar

- Høgare utdanning på høgskulenivå innan oppmåling, geodata og GIS.

- Gode kunnskapar innan tingsrett

- Gode datakunnskap og erfaring med GISLine eller tilsvarande

- Kjennskap til relevant regelverk

- Relevant arbeidserfaring

- Er samarbeidsvillig, fleksibel og kommuniserer godt

- Er eigna til å arbeida effektivt, sjølvstendig, målretta og strukturert

- Har god skriftleg og munnleg framstillingsevne

Relevant arbeidserfaring kan kompensera for manglande kompetanse, på same måte som at relevant utdanning og teknisk kunnskap kan kompensera for manglande arbeidserfaring.

Søkjar må ha førarkort for bil.

Det er og ynskjeleg med kunnskap og ferdigheiter innan bruk og utvikling av digitale verktøy. Vi vil leggje stor vekt på personlege eigenskapar ved tilsetjing, då stillinga inneber mykje kundekontakt.

Vi tilbyr

- Tilsetjing skjer etter gjeldande vilkår for kommunale arbeidstakarar i samsvar med HTA og AML.

- Pensjonsordning, ulykkes- og gruppelivsforsikring gjennom KLP.

- Gode arbeidstilhøve i eit godt arbeidsmiljø.

- Dekning av flytteutgifter etter nærare reglar.

- Bur du i Kvinnherad og er i jobb, kan du etter eitt år få sletta 25 000 kroner av studielånet.

- Ingen eigedomsskatt pr idag for hus, hytter og næring.

- Gratis SFO og søskenmoderasjon i barnehagen.