Har du god digital kompetanse og erfaring med lønsarbeid? Er du i tillegg effektiv, løysingsorientert og glad i å samarbeida med andre? Då høyrer me gjerne frå deg!

Me søkjer etter ein kollega med eit brennande engasjement og relevant erfaring frå lønsarbeid til nyopretta stilling. I denne rolla vil du jobba med å sikra at våre tilsette får rett løn til rett tid kvar månad. Hos oss vil du bli ein del av eit dyktig og inkluderande fagmiljø, med økonomisjef som din næraste leiar. Du vil samarbeida tett med anna lønskonsulent, samt med kollegaer på økonomi og HR for å nemna nokre. 

Det er ein fordel om du har tidligare erfaring frå offentleg sektor, men du vil uansett få grundig opplæring, og me oppfordrar difor også nyutdanna til å søkja på stillinga!

Arbeidsoppgåver

• Lønsarbeid fra A til Å
• Oppfølging av lønsrelaterte spørsmål frå leiarar og tilsette
• Sikra at lønsarbeidet er i tråd med gjeldande lover og reglar
• Vedlikehald og oppdatering av lønssystem
• Bistå i utvikling og forbetring av lønsprosessar
• Sakshandsaming innan løns- og personalområdet.

Andre oppgåver kan bli tillagt stillinga. Med få tilsette er det ei forventning at alle bidreg til at oppgåver blir løyst på best mogleg måte.

Kva kompetanse er viktig?

• Relevant utdanning, minimum fagbrev innan kontorfag
• Lang erfaring kan kompensera frå utdanningskravet
• God kjennskap til lønsarbeid, helst innan offenleg sektor
• Erfaring med bruk av relevant lov- og avtaleverk 
• God økonomi- og talforståing
• Gode kommunikasjonsevner både munnleg og skriftleg. Målforma i Tysnes kommmune er nynorsk.
• Tysnes kommune nyttar pt. Agresso sitt lønssystem, det er ein føremon med kunnskap om dette.

Kva ser me etter hos deg?

Som person kjenner du deg igjen i eigenskapane strukturert og detaljorientert med evne til å jobba sjølvstendig. I tillegg har du evna til å være initiativrik og proaktiv i arbeidet med vidareutvikling og effektivisering av prosessar. Dette er ei rolle som vil krevja gode samarbeids- og kommunikasjonsevner, særskilt i møte med tilsette og leiarar, og ein fleksibel og løysingsorientert tilnærming. Det er difor spesielt viktig at du trivast med å handtera ein variert oppgåveportefølje, og at du evnar å utføra arbeidet på ein systematisk måte innan gitte tidsfristar. Vidare har du høg etisk standard og integritet.

Kvifor skal du jobba hos oss?

Dersom du likar ein variert arbeidsdag der du må halda fokus, vera nøyaktig og levera på tid, trur me at vil trivast i hos oss. Me kan tilby ei spanande og sjølvstendig stilling der du kombinerar fagleg ansvar med utvikling av digitale prosessar. Du blir ein del av eit engasjert og kompetent fagmiljø der medarbeidarane er stolte av jobben sin og opptatt av å levera tenester med høg kvalitet. Du vil samarbeida tett med kollegaer i avdelinga og få stor kontaktflate ut mot leiarar og tilsette i ulike avdelingar i Tysnes kommune.

Tilsetjing hos oss gjer deg medlemskap i KLP - Kommunal Landspensjonskasse. Det betyr blant anna at du får ein av dei beste pensjonsordningane i Noreg, samt høve til å søkja om bustadlån med gunstige vilkår.

Stillinga har fleksibel arbeidstid med sommar- og vintertid. Lønn etter avtale. Du vil få kontorplass på rådhuset, sentralt i attraktive Tysnes, med høve for noko heimekontor etter nærare avtale.

Synes du dette verkar som ei spanande stilling eller det er noko du lurar på etter å ha lest annonsa? Ta gjerne kontakt med oss som står oppført som kontaktpersonar i annonsa.

Manfaldserklæring

Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.