Yrkesmedisinsk avdeling, Haukeland universitetssjukehus, har ledig 100% midlertidig stilling for yrkeshygieniker. Stillinga er midlertidig frå 1. oktober 2025 - 30. september 2026, men ein vidare tilhøyrigheit kan bli mogleg. Den ledige stillinga blir tilknytt arbeidsmedisinsk seksjon med seksjonsoverlege Ole Jacob T. Møllerløkken som næraste leiar. Seksjonen har som hovudoppgåve å førebygge sjukdom og fremme god helse ved å påvise/greie ut og auke kunnskapen om samanhengen mellom arbeidsrelaterte faktorar og helse. Dette blir gjort gjennom polikliniske oppgåver, kunnskapsformidling, prosjektarbeid og forsking. Seksjonen har regionansvar for Helseregion III (Vestland og Rogaland) og har i tillegg nasjonal behandlingsteneste for spesifikk bronkial provokasjon ved yrkesrelatert astma.

Den faste staben ved arbeidsmedisinsk seksjon er breitt samansett med fire overlegar i arbeidsmedisin, to lungelegar, dermatolog, nevrolog, yrkeshygienikarar og nevropsykolog. I tillegg samarbeider ein med sjukepleiarar, kontortilsette, legespesialistar ved dei andre seksjonane, samt avdelinga sin biostatistikar og anna støttepersonell. 

Yrkesmedisinsk avdeling er organisert i arbeidsmedisinsk seksjon, regionalt senter for astma, allergi og overfølsomhet, hyperbarmedisinsk seksjon, norsk senter for maritim- og dykkemedisin, sjukepleieseksjonen og merkantil seksjon. Avdelinga har derfor eit unikt tverrfagleg preg som gir store moglegheiter for læringsarenaer også på tvers i avdelinga. Avdelinga har utelukkande regionale-, nasjonale- og internasjonale ansvarsoppgåver med mellom anna regionale tenester innan allergologi, miljøeksponering, arbeidshelse, maritim medisin, televaktteneste og hyperbarmedisin. Klinikkdirektør er Alf Henrik Andreassen. 

Arbeidsoppgåver

• Stillinga som yrkeshygienikar inngår i aktiviteten på seksjonen og særleg arbeidet med identifikasjon og vurdering av kjemiske-, biologiske- og tekniske arbeidsmiljøfaktorar som årsak til mistenkt arbeidsrelaterte sjukdom
• Delta i det tverrfaglege teamet rundt den enkelte pasients utredning
• Rådgiving med tanke på førebygging av arbeidsrelatert eksponering
• Arbeidet krev kontakt med pasietnar, bedrifter, bedriftshelsetenester, forskingsmiljø og offentlege styresmakter

Kvalifikasjonar

• Den som blir tilsett må vere sertifisert yrkeshygienikar, eller inneha tilsvarande kompetanse slik som mastergrad, fortrinnsvis innan relevant fag (kjemi, biologi, fysikk)
• Den som blir tilsett må meistre norsk, både skriftleg og munnleg
• Det er fordelaktig med erfaring frå HMS-arbeid og laboratoriearbeid
• Det blir lagt vekt på personleg egnethet i forhold til arbeidsoppgåver
• Det blir lagt vekt på gode kommunikasjonsevner og evne til å formidle fagkunnskap, både skriftleg og og munnleg
• Erfaring frå prosjektarbeid/forsking

Personlege eigenskapar

• Du har interesse og motivasjon for fagfeltet
• Du har gode samarbeids- og kommunikasjonsevner overfor pasientar, andre yrkesgrupper og samarbeidspartnarar, t.d. bedriftshelsetenester
• Du har god fagleg vurderingsevne, og arbeider strukturert og målretta på jobb
• Du er systematisk, analytisk, nøyaktig og målretta
• Du er sjølvstendig, ansvarsbevisst, omgjengeleg og har ein positiv haldning til å tileigne deg og dele kunnskap

Vi tilbyr

• Eit stimulerande arbeidsmiljø med høg tverrfagleg kompetanse
• Utfordrande oppgåver med førebygging av arbeidsrelaterte helseplagar som mål
• Lønn og vilkår i samsvar med gjeldande overeinskomst

Vi oppmodar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Ole Jacob Torkildsen Møllerløkken, Seksjonsleiar, 97042384

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4952350260
Stillingsprosent: 100%
Engasjement
Søknadsfrist: 12.06.2025