Om arbeidsstaden

Austevoll kommune har ledig 1 års vikariat som kommunalsjef for samfunnsutvikling frå 1. september 2025. Me søkjer ein  leiar med kapasitet og kunnskap til å handtera varierte arbeidsoppgåver med stort ansvar. Me søkjer ein strategisk og utviklingsorientert leiar, som skal bidra til utvikling av Austevoll-samfunnet og leie ein organisasjon i endring og omstilling. Du vil inngå i leiargruppa til kommunedirektør og representera kommunedirektør i politiske råd og utval. Kommunen er i ein endringsprosess, det betyr at det kan bli organisatoriske endringar i denne sektoren. Dette er eit spennande vikariat i Austevoll kommune!

Om stillinga

I vikariatet som kommunalsjef vil du leia og utvikla ein sektor med eit breitt fagfelt, mellom anna plan, byggesak, eigedomsforvaltning, landbruk, næringsutvikling, utbyggingsprosjekt, brann og redning. 

Ansvars- og arbeidsoppgåver

• Bidra til strategisk leiing og utvikling av heile kommunen
• Organisering, utvikling og økonomistyring for hele sektoren.
• Gi støtte og rettleiing til leiarar i sektoren
• Overordna ansvar for fag, personal og økonomi
• Samarbeide med lokalsamfunn og næringsliv for å utvikle ein attraktiv kommune. 
• Ha tett dialog med politisk leiing. 
• Forberede og følgje opp politiske saker i samarbeid med kommunedirektør
• Ha ansvar for kommunen sine investerings- og utbyggingsprosjekt.
• Fremje heilskaplege, strategiske og tverrfaglege samarbeidstiltak
• Motivere til engasjement og kontinuerleg utviklingsarbeid
• Fremje medarbeidarinvolvering og brukarmedverknad i alle prosessar
• Representere kommunen i samarbeidsforum, saman med nabokommunar, fylkeskommunen og statlege organ innanfor relevante fagområde. 

Kvalifikasjonskrav

Utdanning og erfaring

• Relevant høgskule- eller universitetsutdanning 
• Leiarerfaring med dokumenterte resultat frå komplekse organisasjonar 
• Solid prosjektforståing og -erfaring 
• Erfaring med strategisk omstillings- og utviklingsarbeid 
• God samfunnsforståing og innsikt i samspelet mellom politikk og administrasjon 
• Erfaring med økonomistyring, budsjettering og økonomiplanlegging

Personlege eigenskapar

Vi ser for oss at du har gode evner til å inspirera, motivera og byggja gode relasjonar. Du har god munnleg og skriftleg framstillingsevne. Dine kommunikasjons- og samarbeidsevner er svært gode, du er positiv og du evnar å oppnå resultat også gjennom andre. Du jobbar systematisk, målretta og er løysingsorientert.

Vi tilbyr

• Ei strategisk utviklingsrolle i ein kommune med høgt ambisjons- og aktivitetsnivå
• Ei utfordrande stilling med gode moglegheiter for fagleg utvikling  
• Gode pensjons- og forsikringsordningar

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.