Kronstad Distriktpsykiatrisk Senter (DPS) held til ved Danmarksplass. 

Kronstad DPS er delt inn i fleire seksjonar, herunder to store allmennpoliklinikkar som har ansvar for bydelane Bergenhus, Årstad og Ytrebygda. Poliklinikkane er bemanna med god fagleg breidde, der overlegar, psykologspesialistar og psykologar, psykiatriske sjukepleiarar/vernepleiar og sosionomar inngår. Vi har også jobbspesialistar frå NAV tilknytta poliklinikkane. I tillegg har vi jamnleg både legar i spesialisering og psykologstudentar i praksis.

Kronstad Allmennpoliklinikk 2 har nå ei ledig stilling for psykologspesialist og ei ledig stilling for psykolog!

Poliklinikkane har fleire medarbeidarar med fordjuping og spisskompetanse innan mellom anna psykodynamisk terapi, kognitiv terapi, sensorimotorisk terapi, emosjonsfokusert terapi, m.m, i tillegg til at fleire medarbeidarar har vidareutdanning innan andre spesifikke utgreiings- og behandlingsmetodar. Totalt treng vi kompetanse for å greie ut og behandle ein pasientpopulasjon med varierte vanskar; traume, autismespekter forstyrringar, ADHD, angst, depresjon, alvorlege affektive lidingar, personlegdoms-utfordringar m.m.

Som eit ledd i å forbetre tenestene våre, og samtidig forbetre kvardagen for den einskilde behandlar, har vi ved Kronstad DPS innført "Ny poliklinisk kvardag". Dette inneber mellom anna at alle behandlarar har ein dag i veka som kan nyttast til arbeid som ikkje inneber direkte pasientkontakt.

Vidare har alle psykologspesialistar ein dag avsett for å vere tilgjengelege for ikkje-spesialistane når det til dømes er nødvendig med drøftingar, felles konsultasjonar med pasientar eller anna arbeid som er nødvendig å bidra inn i med spesialistkompetanse. I 2025 har vi også starta opp med eit systematisk opplæringsprogram spesielt retta mot medarbeidarar som ikkje er spesialistar. Dette programmet har som føremon å sørge for at alle har tilstrekkeleg kunnskap til å utføre arbeidet i poliklinikkane i tråd med gjeldane lovar og regelverk, og samstundes bidra til å kontinuerleg auke kompetansen vi sit med kvar for oss og saman. Som psykologspesialist i poliklinikk vil du også få oppgåver knytta til dette opplæringsprogrammet og såleis vere ein verdfull bidragsytar til at vi aukar kvaliteten på tenestene våre.

Poliklinikkane har nyleg ingått avtale med Liv Ørbeck om gruppeveiledning som bli særleg tilgjengeleg for spesialister, samt at poliklinikken

Stillingane er ledig etter nærare avtale. 

Arbeidsoppgåver

• DPSane i psykisk helsevern er i utvikling, og den som blir tilsett må rekne med å vere delaktig i denne utviklinga. Vi er opptatt av å gje pasientar rett hjelp til rett tid, å differensiere mellom ulike typar av behandling, og å gje rett omfang av hjelp til den enkelte pasient, samstundes som ein syter for at alle som treng hjelp, får hjelp
• Dette krev ei viss prioritering av ressursane klinikken styrer over. Spesialistar som er tilsett vil òg måtte ta i vare spesialistansvaret for pasientar der hovudbehandlar ikkje er spesialist. Som universitetsklinikk har vi jamleg studentar i praksis, og i føretaket utdannar vi psykologar og legar i spesialisering. Rettleiing av desse, er ein del av dei arbeidsoppgåvene spesialistane i seksjonen må pårekne. Det kan og påreknast å veilede psykologar i andre seksjoner ved DPSet
• Samarbeid med andre delar av behandlingsapparatet både internt og eksternt vil vere viktige arbeidsoppgåver. Det same gjeld samarbeid med pårørande i enkelte tilfelle, og med instansar som NAV, skule og/eller arbeidsgjevar i nokre tilfelle
• Hovudoppgåver vil i poliklinikkane vere utgreiing, diagnostisering og behandling av tilviste pasientar med eit breitt spekter av ulike psykiske lidingar. Handtering av eigne (poliklinikkens) pasientar akutt er også forventa, deriblant kortvarig behandling/stabilisering gjennom krise, og evnt vidare tilvising til høgare (t.d. døgnpost)

Kvalifikasjonar

• Den som blir tilsett må framlegge norsk autorisasjon som psykolog
• Den som blir tilsett må vere godkjend spesialist i klinisk psykolog med vaksne/spesialist i klinisk psykologi med fordjuping i psykoterapi/erfaren psykolog med kort tid igjen av spesialiseringsløpet. Psykologar med andre spesialitetar kan også vere aktuelle for stillinga etter nærmare vurdering
• Klinisk erfaring innanfor ein allmennpsykiatrisk/poliklinisk pasientpopulasjon er ein fordel
• Må meistre godt norsk, både munnleg og skriftleg. Språkkunnskapar og ferdigheiter utover norsk vil vere ein fordel

Personlege eigenskapar

• Motivasjon og interesse for arbeidsform og fagområde. Nærare opplysningar om korleis vi jobbar allmennpoliklinisk på Kronstad DPS kan gis ved førespurnad
• God fagleg vurderingsevne, og evne til å arbeide målretta og strukturert. Som psykologspesialist hos oss vil du måtte pårekne å foreta vurderingar av pasienter som du ikkje kjenner godt sjølv. Det er difor nødvendig at du kan bistå andre behandlarar på ein fagleg trygg, målretta og strukturert måte
• Evne til å jobbe både sjølvstendig og i team blir vurdert som særs viktig. På Kronstad DPS er vi opptatt av at arbeid i team skal løyse oppgåver som berre eit team kan løyse. Det er difor viktig at du meistrar både sjølvstendig arbeid og arbeid i team
• Vi jobbar tverrfagleg og den som blir tilsett må trivast med ein slik jobbkvardag. Samarbeid både internt og eksternt med kollegaer med forskjellig fagutdanning derfor også forskjellige faglege perspektiv anser vi som særs viktig og nødvendig. Du må derfor både kunne stå trygt i eigne faglege vurderingar, samstundes som du kan forstå og ta hensyn til andres faglege perspektiv som er annleis enn ditt eige
• Vi ønsker oss ein kollega som er engasjert og fleksibel, og som også kan vera tydeleg om det er nødvendig
• Gode kommunikasjons- og samarbeidsferdigheitar ser vi på som viktige for ein psykologspesialist hos oss. Du må kunne komme med gode forklaringar på dine vurderingar og konklusjonar
• Den som blir tilsett må etter ein heilheitsvurdering vera skikka til stillinga

Vi tilbyr

• Stillinga blir lønna etter gjeldande overeinskomst
• Vi har gode pensjons- og forsikringsordningar
• Vi kan tilby utfordrande og spennande arbeidsoppgåver
• Vi har eit godt arbeidsmiljø med gode kollegaer både internt i poliklinikken og elles på DPSet
• Vi jobber kontinuerleg med å forbetre tenestene vår og kvaliteten på dei. Det vil difor også vere mogleg å delta i kvalitetsforbetring og tenesteutvikling for den som blir tilsett

Du kan bli bede om å framlegge godkjende kopiar av vitnemål, autorisasjon og kursbevis.

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Helene Trønnes, Seksjonsleiar, 45615915, helc@helse-bergen.no

Arbeidsstad

Fjøsangerveien 36
5053 Bergen

Nøkkelinformasjon:

Arbeidsgivar: Helse Bergen HF

Referansenr.: 4965309609
Stillingsprosent: 100%
Fast
Søknadsfrist: 20.05.2025