Biobank Haukeland er ein sjølvstendig seksjon i Laboratorieklinikken ved Haukeland universitetssjukehus. Vi tilbyr biobanking og forskingsstøtte til både interne og eksterne forskingsmiljø. Seksjonen består av ni engasjerte medarbeidarar, og vi søker no etter ein kollega for å møte den aukande etterspurnaden etter forskingsprøvar av høg kvalitet.

I 2024 utførte Laboratorieklinikken over 45 000 forskingsanalysar og fordelt meir enn 70 000 forskingsprøvar, og vi spelar ein sentral rolle i forskinga ved sjukehuset. 

Biobank Haukeland har tilgang til moderne og avansert utstyr for biobanking, og samarbeider tett med dei andre avdelingane i Laboratorieklinikken for å tilby ei heilskapleg løysing for forskingsstøtte, prosjektarbeid og biobanking integrert i sjukehuslogistikken. Vi har eit bredt nettverk av samarbeidspartnarar og deltar i det nasjonale konsortiet for biobanker, Biobank Norge.

Vårt mål er å sikre optimal prøvekvalitet på forskingsprøvar og analysar. Derfor tilby vi rådgjeving, tilrettelegging, prøvehandtering og lagring av biologisk materiale - alltid med fokus på kvalitet. 

Vi ser etter deg som er engasjert, sjølvstendig og løysingsorientert. Hos oss får du ein variert og meiningsfull arbeidskvardag i eit fagleg sterkt miljø, der samarbeid og kvalitet står i sentrum.  

Arbeidsoppgåver

• Blodprøvetaking av deltakarar i kliniske studiar og forskingsprosjekt
• Prosessere og handtere biologisk materiale i tråd med krav frå forskingsprosjekt og kliniske studiar
• Sette seg inn i forskingsprotokollar og halde seg oppdatert på gjeldande prosedyrar og retningslinjer
• Bidra med praktisk arbeid som er nødvendig for gjennomføring av pågåande forskingsprosjekt
• Delta i biobanken si beredskapsordning for temperaturovervaking
• Utføre andre oppgåver som kan bli tillagt stillinga etter behov

Kvalifikasjonar

• Norsk autorisasjon som bioingeniør
• Erfaring med blodprøvetaking og preanalytisk arbeid 
• God munnleg og skriftleg kommunikasjonsevne på norsk og engelsk
  

Personlege eigenskapar

Vi ser etter deg som:

• Er positiv, fleksibel og har interesse for og - evne til - å bidra aktivt i vidareutvikling av biobanktenester 
• Arbeidar sjølvstendig, nøyaktig og har god gjennomføringsevne 
• Har god arbeidskapasitet, samarbeidsevne og trivst i eit hektisk arbeidsmiljø
• Er serviceinnstilt, påliteleg og ansvarsbevisst
• Har engasjement for pasientar og fagfelt
• Personleg eignaheit vil bli vektlagt

Vi tilbyr

• Ein spennande og utfordrande jobb
• Eit aktivt og triveleg arbeidsmiljø med kompetente og stolte medarbeidarar
• Løn i samsvar med gjeldande overeinskomst
• Gode pensjons- og forsikringsordningar
• Stillinga er ei dagstilling

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.e rekruttering.

Kontaktinformasjon

Ann Cathrine Kroksveen, Seksjonsleiar, 55975855, ann.cathrine.kroksveen@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4988824855
Stillingsprosent: 100%
Fast
Søknadsfrist: 04.08.2025