Er du ein tydelig, synleg og samlande leiar som ser løysingar der andre ser utfordringar? Har du engasjement for samfunnsoppdraget til Nav og ønskjer å bidra til utvikling av gode velferdstenester? Då er det deg vi leitar etter!

Vi har ledig stilling som avdelingsleiar for avdeling Ungdom ved Nav Alver med fagleg ansvar for ungdomssatsinga i region Nordhordland. 

Som avdelingsleiar ved Nav Alver vil du leie ei avdeling som i dag har ansvar for tenester til unge under 30 år. Du vil ha særleg ansvar for utvikling, oppfølging og styring av tenester til unge der målet er at fleire kjem i arbeid og færre vert ståande utanfor arbeidsmarknaden. Du skal bidra til at brukarar av tenestene vert møtt på ein god måte og at brukarmedvirkning er forankra i tenestene. Målet er at arbeidsmarknaden tek i bruk den unge arbeidskrafta. Samhandling med arbeidsmarknaden og andre eksterne partar er ein stor del av jobben. Du vil få overodrna ansvar for IPS (Individuell jobbstøtte) som er knytta til to eksterne lokasjonar; DPS og Alver kommune si eining innan Rus og Psykiatri. I tillegg får du ansvar for den regionale JobbMot satsinga, ei satsing for ungdom frå 10. klasse til 25 år. 

Nav Alver er ein del av Nav Region Nordhordland og består av åtte kommunar; Osterøy, Gulen, Masfjorden, Alver, Austrheim, Fedje, Modalen og Solund. Regionen satsar på tjenesteutvikling og innovasjon, og samarbeider tett med arbeids- og næringsliv.

I søknaden ber vi deg leggje vekt på bakgrunnen du meiner er relevant for stillinga, og gjere greie for kva som motiverer deg til å søkje.

Kva går jobben ut på?

• sikre at Nav gir unge arbeidsretta oppfølging slik at vi møter ungdomsgarantien, der fleire unge forsørgjer seg sjølv i arbeid eller skule/utdanning
• leiing, drift og personalansvar for omlag 14 årsverk, inkludert resultat- og rapporteringsansvar
• operativt ansvar for tenesta til avdelinga, der du som leiar kan ha oppfølging av eigne brukarar og bidra i aktivitetar
• fagleg ansvar for utvikling av tenestene til ungdom, inkludert ansvar for satsingar som IPS og JobbMot
• ansvar for regionalt ungdomsteam og gruppetiltak for ungdom
• ansvar for at verktøy, arbeidsmetodar og gruppetiltak vert nytta og gjort tilgjengeleg til beste for brukarane
• sikre godt samarbeid med arbeidsliv, næringsliv og utdanningsmiljøa i Nordhordland
• ta aktivt del i leiargruppa lokalt og regionalt og bidra til gode tenester
• legge til rette for eit trygt arbeidsfellesskap prega av ambisjonar, fagleg styrke, kreativitet og forbetringskultur
• systematisk arbeid med HMS i samarbeid med tilsette, verneombod og tillitsvalde
  
  Andre oppgaver kan bli tillagt stillinga.

Kva kompetanse er viktig i denne rolla?

Du må ha

• fullført utdanning på minimum bachelornivå. Relevant utdanning og/eller arbeidserfaring kan kompensere for utdanningskravet.
  
• kompetanse om korleis unge skal lukkast på arbeidsmarknaden
• gode samarbeids- og kommunikasjonsevner
• forståing av leiing i staten og Nav sitt samfunnsoppdrag
• leiareigenskapar i tråd med etaten sine verdiar og krav til leiarskap
  
• god framstillingsevne, både skriftleg og munnleg på norsk
• god digital kompetanse

Det er ein fordel om du har 

• erfaring som leiar med personalansvar
• kjennskap til Nav sine tenester
• erfaring med oppfølging og rapportering innan budsjett, rekneskap og fag
  

Kva ser vi etter hos deg?

Som leiar i Nav jobbar du tillitsbasert med ein motiverande og inkluderande leiarstil. Under utøving av tillitsbasert leiing er det viktig å bygge tillit og sjå potensialet i dine tilsette. Vi ser etter deg som har evne til å byggje bruer og stå fram som samlande når ulike interesser, miljø og samarbeidspartnarar møtast.
Du er løysingsorientert og nytenkjande, og har eit genuint engasjement for å byggje og yte arbeids- og velferdstenester av beste sort. 

Kvifor velje oss?

• hos oss får du jobbe med spennande og meiningsfylte arbeidsoppgåver innan eit høgt prioritert samfunnsområde
• du får leie aktive og engasjerte medarbeidarar som brenn for samfunnsoppdraget
• gode høve til fagleg og personleg utvikling
• fleksibel arbeidstid
• statleg tilsetting i kode 1407 i lønsspenn frå kr 770 000 til 820 000. For særleg kvalifiserte søkarar kan høgare løn vurderast.
• god pensjonsordning, låneordning og forsikringar gjennom Statens pensjonskasse 

Les meir om Nav som arbeidsgivar

Kontaktinformasjon

Arngunna Haga, leiar Nav Alver og region Nordhordland, 99372098, arngunna.haga2@nav.no

Arbeidssted

Kvernhushaugane 2
5914 Isdalstø

Nøkkelinformasjon:

Arbeidsgiver: Nav

Referansenr.: 5142831757
Stillingsprosent: 100%
Fast
Søknadsfrist: 24.06.2026