Er du ein engasjert og resultatorientert leiar med lidenskap for utvikling og salg? Har du eit ekstra gir som kan leia ein veletablert bilforhandlar inn i framtida?

Odda Bilsenter er ein solid og veldreven bilforhandlar med ein sterk posisjon i marknaden med hjarte for Odda og Volkswagen. Vi leverer kvalitet og service i alle ledd – frå salg av nye og brukte bilar, til verkstadtjenester og deler. Vi styrkjer no organisasjonen då dagens leiar ynskjer å bruka sine ressursar på verkstaddrifta. Han fortset i bedrifta som servicemarkedssjef med ansvar for verkstad og deler, mens dagleg leiar får ansvar for salgsavdeling og administrasjon.

Odda Bilsenter har over 40 års erfaring som VW forhandlar, og fleire av våre kompetente nøkkeltilsette har vore med på heile reisa. Nylig vart Odda Bilsenter ein del av XPND konsernet, og er no i ei gruppe med 4 VW forhandlarar. Vi foreinast av ein felles visjon om å vera ein drivande og sterk lokal aktør for våre kundar og tilsette. 

Kven ser vi etter?

Du er ein relasjonsbyggjar med forretningssans, som får energi av å skape resultat saman med andre. Du trivst med ansvar, får ting til å skje, og held fokus på både drift og utvikling.

Vi trur du har:

• Leiarerfaring frå bilbransjen eller anna salgs- og serviceorientert bransje
• Dokumenterte resultat innen salg og leiing
• Ein strukturert og handlekraftig arbeidsstil
• Evne til å byggje, motivere og utivkle team
• Kremmerånd og god økonomisk forståing
• Fokus på kvalitet, kundetilfredsheit og lønsemd

Kva får du jobbe med?

Du får ansvar for heile salgsavdelinga og dagleg drift av verksemda – med stort rom for påverknad og vidare utvikling. Vi ser etter ein leiar som både er strategisk og operativ, og som trivst med å vere tett på kundar, tal og tilsette.

Dine hovudoppgåver vil vere:

• Leie og utvikle salgsavdelinga, sikra gode resultat  
• Overordna ansvar for verkstad og servicemarknad
• Driva lønnsom vekst og sikra økonomiske resultat   
• Leia eit sterkt team og skapa ein positiv arbeidskultur
• Stå for kvalitet og skapa fyrsteklasses kundeopplevingar
• Kartlegge nye marknadsmuligheiter og driva salgs- og marknadsaktivitetar
• Bidra med energi og sikra framdrift i organisasjonen

Kva kan vi tilby deg?

• Ein spennande og sjølvstendig leiarstilling i ei veletablert bedrift.
• Store muligheiter for utvikling, påverking og vekst
• Engasjerte og dyktige kollegaer
• Konkurransedyktige vilkår og bonusordning
• Tett samarbeid med Volkswagen og Møller Mobilty Group
• Eit leiarnettverk i XPND-konsernet, som støttar utvikling og utveksling av erfaringar

Send oss din søknad i dag – vi gler oss til å høyre frå deg!

For spørsmål om stillinga, ta gjerne kontakt med oss!

Me vil behandla alle søknader og henvendingar konfidensielt. Dersom det er ynskje om konfidensialitet overfor våre medarbeidarar i Odda, kontakt Herman og gjer merksam på ynskje om å ikkje dela informasjon med tilsette i Odda Bilsenter.

Om Arbeidsgiveren

Odda Bilsenter AS

Odda Bilsenter har sin opprinnelse frå Nå Auto & Co som startet i 1959. Skilt ut som eige selskap og flytta inn i nytt bygg på Eitrheim i 1984. Full renovering av bygget i 2010. Vi har i dag eit moderne anlegg med 13 ansatte fordelt på salg og servicemarknad. Vi er merkeforhandlar for Volkswagen personbilar og varebilar og omsetter for om lag 90 mill i året. Odda Bilsenter er i dag ein del av XPND konsernet. 

Odda Bilsenter er ISO sertifisert på kvalitet (ISO 9001) og miljø (ISO 14001). 

Les meir om firmaet på vår heimeside: www.odda.volkswagen.no 

Følg oss på Facebook: www.facebook.com/odda bilsenter.no

XPND AS

XPND opererer innen eiendom- og bilbransjen, og har en omsetning på over 1,5 milliarder kroner og. Vi er totalt rundt 150 ansatte og forvalter ca. 75.000 kvm eiendom, med ytterligere 100.000 kvm under utvikling i Ringeriksregionen.

Vi vil skape ekte drømmer for ekte mennesker – på en god og bærekraftig måte.

Fra Vestlandet til Østlandet har vi pr. i dag 8 bilbutikker. I tillegg til 4 Volkswagen forhandlere, er importør og forhandler av Lamborghini og Bentley, i tillegg til at vi forhandler Land Rover, Defender og Range Rover. Lokalt er både Motorpool Hønefoss og Prestmarken en del av XPND.