Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Seniorkonsulent (studiekonsulent) - vikariat

Ved Institutt for biovitskap (BIO) er det ledig ei stilling som seniorkonsulent (studiekonsulent) i 50 % vikariat frem til februar 2026, med moglegheiter for forlenging. Det er ønskeleg at den som blir tilsett kan starte og fungere i stillinga raskast mogleg.

Om instituttet
Institutt for biovitskap (BIO) er det største av syv institutt ved Fakultet for naturvitskap og teknologi, og har for tida om lag 300 tilsette, derav meir enn 60 professorar og førsteamanuensar, om lag 80 doktorgradsstudentar og postdoktorkandidatar og 70 teknisk - administrative tilsette.

BIO er eit mangfaldig og breitt institutt som jobbar med tema som opphav til liv, effektar av klima og globale endringar, fiskeri, akvakultur, fiskehelse, ernæring, arktiske område, samt global utvikling og berekraft relatert forsking. Om lag 2/3 av den vitskapelege staben arbeider med marine problemstillingar. BIO utfører utdanning og forsking frå organisme, populasjon og økosystemnivå innan teoretiske, eksperimentelle, og feltorienterte tema, og tilbyr ein spennande og utoverretta utdanning og forsking innan eit breitt felt, med gode moglegheiter for nasjonal og internasjonal interaksjon og samarbeid.

Utdanninga ved instituttet dekker eit breitt felt av biologiske disipliner som blir gitt gjennom to bachelorprogram, tre masterprogram, to integrerte femårige masterprogram (Fiskehelse og Havbruk) og lærarutdanning, i tillegg til doktorgradsutdanning. BIO hadde frå 2014-2023 eit Senter for framifrå utdanning (SFU) bioCEED og har derfor eit særskild fokus på utvikling av kvalitet i undervising og læring. BIO er og med i eit interdisiplinært masterprogram-initiativ i Berekraft ved UiB.

Stillinga vil vere ein del av instituttet sin studieseksjon med til saman åtte tilsette. Seksjonen har administrativt ansvar for instituttet sine studieprogram på bachelor-, master- og doktorgradsnivå. Seksjonen er òg sekretariat for instituttet sine studieprogramstyre og forskarutdanningsutval.

Arbeidsoppgåver:

Oppgåvene til stillinga er tilknytt internasjonalisering ved instituttet. Hovudoppgåvene er:

• Emneadministrasjonen og studentsaker tilknytt master i biologi
• Internasjonalisering: Sakshandsaming av utanlandsopphald for studentar, opptak av internasjonale korttidsstudentar, nominering og rettleiing knytt til BIO sine utvekslingsavtalar
• Avlaste kollegaer med ulike oppgåver ved arbeidstoppar og fråvær  

Kvalifikasjonar og eigenskapar:

• Søkjarar må ha utdanning på mastergradnivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning
• Kjennskap til universitets- og høgskulesektoren er ein føremon
• Det er ynskjeleg med biologi eller andre naturvitskaplege fag i fagkrinsen
• God administrativ IT-kompetanse er ein føremon
• Kjennskap til og erfaring i bruk av Felles Studentsystem (FS) og elektroniske portalar er ein føremon
• Det vil bli lagt vekt på erfaring med studie- og utdanningsrelatert arbeid, sakshandsaming og administrasjon
• Søkjar må ha god evne til å kommunisere skriftleg og munnleg både på norsk og engelsk

Vi søker en ny kollega som:

• Har stor grad av sjølvstende og evne til problemløysing
• Er strukturert, målretta og har god gjennomføringsevne 
• Har digital kompetanse og evne til å tileigne seg nye ferdigheiter 
• Er serviceinnstilt og positiv
• Personlege eigenskapar som er naudsynte for stillinga, vil bli vektlagt 

Vi kan tilby:

• Eit godt og fagleg utfordrande arbeidsmiljø
• Stilling som seniorkonsulent (kode 1363) med ei årsløn frå kr 558 000 til kr 600 000, avhengig av erfaring og kvalifikasjonar. For særskilt kvalifiserte søkjarar kan det vurderast høgare lønn
• Spennande og varierte arbeidsoppgåver i eit anerkjent utdannings- og forskingsmiljø
• Høve til å delta i arbeid med utvikling av innovative og framifrå undervisingsopplegg innan biologi
• Høve til fagleg og personleg utvikling i nært samarbeid med våre vitskapleg tilsette som driv undervising
• Medlemsskap i Statens pensjonskasse
• Fleksitid og gode velferdsordningar

Meir informasjon om kva UiB kan tilby som arbeidsgjevar finn ein på UiB sine nettsider.

Generell informasjon:

Utfyllande opplysingar om stillinga kan ein få ved å vende seg til administrasjonssjef Julie Stavnes (Julie.Stavnes@uib.no/55585330), eller Studieleiar Beate Ulrikke Rensvik (Beate.Rensvik@uib.no/55592241).

For HR-relaterte spørsmål ta kontakt med HR-rådgjevar Magnus Larsen, e-post magnus.larsen@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. 

Opplysingar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. 

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. 

Nærare om tilsettingsprosessen her.