Om arbeidsstaden

Vetleflaten 2 F er eit butiltak med 9 bueiningar. Tenestemottakarane har ulike behov for hjelp, som til dømes daglege og praktiske gjeremål, følgje til ulike avtalar, eigenomsorg og medisinhandtering. Vetleflaten 2 F er organisert under Avdeling for psykisk helse og rusarbeid i Voss herad. Avdelinga har om lag 30 tilsette som arbeider i ambulerande team og ved Oasen aktivitetssenter. Det er om lag 180 tenestemottakarar som nyttar seg av tilboda våre. Avdelinga er i utvikling når det gjeld framtidsretta tenester til innbyggjarar med utfordringar innan feltet psykisk helse og eller rusutfordringar.

Me søkjer

Ein engasjert vernepleier med hjarte for psykisk helse og rusarbeid. Du har fokus på å sjå ressursane i den einskilde og verdien av hjelp til sjølvhjelp. I tillegg ser du moglegheita og ikkje hindringar.

Arbeidsoppgåver

• primærkontakt-/ koordineringsansvar for tenestemottakarane på Vetleflaten 2F.
• målretta oppfylging av tenestemottakarane; praktisk bistand, helsehjelp, rettleiing og opplæring for å sikra individuelt tilpassa tenestetilbod, støtte til å meistre eige liv ut frå deira forutsetningar, motiveringsarbeid og hjelp til daglege aktivitetar.
• i tillegg skal ein ha ansvar for enkelte tenestemottakare som har vedtak etter helse og omsorgstenesteloven og oppfølging via ambulerande team.

 Kvalifikasjonar

• bachelor i vernepleie. Anna relevant høgskuleutdanning kan verta vurdert
• erfaring frå fagfeltet psykisk helse
• førarkort klasse B 

Me ynskjer

• ein systematisk person med evne til omstilling, fleksibilitet og sjølvstendig arbeid
• at du har gode samarbeids- og kommunikasjonsevne
• at du er raus og har respekt i møte med våre tenestemottakarar og samarbeidspartar
• ein engasjert, trygg og reflektert medarbeidar

Personlege eigenskapar verte vektlagt.

Godkjend politiattest må leggjast fram før tiltreding i stillinga

 Me tilbyr

• gode vilkår for fagleg utvikling
• eit godt tverrfagleg og sosialt miljø
• gode forsikrings- og pensjonsordningar
• løn etter kommunalt avtaleverk og elles tilsetjing på vanlege kommunale vilkår

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.
 
Ber om at du lastar opp vitnemål og attestar i søknaden.